ДЗЯРЖОРГАНЫДЗЯРЖОРГАНЫ
Флаг Субота, 2 ліпеня 2022
Мінск Малавоблачна +20°C
Усе навіны
Усе навіны
Культура
02 сакавіка 2022, 10:58

Дзевы, рыбы, веласіпеды: выстава Сяргея Каўрыгі адкрываецца ў Гомелі

Фота vaschenko.by
Фота vaschenko.by

2 сакавіка, Гомель /Кар. БЕЛТА/. Выстава Сяргея Каўрыгі "Дзевы - рыбы - веласіпеды" адкрываецца сёння ў Гомелі ў карціннай галерэі Г.Х. Вашчанкі, паведамілі БЕЛТА ў дзяржаўнай установе.

У экспазіцыі - больш за 30 работ. Аўтар прызнаецца: "Люблю металаграфіку, аэраграфію, мастыхін". Апошнім часам стаў сумяшчаць жывапісную тэхніку з электроннымі платамі, элементамі камп'ютараў.

"Многія гавораць, што ў мяне няма пэўнага стылю, але я раблю толькі тое, што мне падабаецца. Больш за ўсё цаню свабодную творчасць. Калі гэтага няма, то ўсё астатняе не мае значэння, калі ж гэта ёсць, то ўсё астатняе можна перажыць", - падзяліўся аўтар.

Сяргей Каўрыга нарадзіўся ў 1961 годзе ў Віцебску. У дзяцінстве шмат маляваў, ляпіў. У 7-м класе "забалеў" радыёэлектронікай. Скончыў Мінскі радыётэхнічны інстытут, пасля - Гомельскі дзяржуніверсіт імя Ф.Скарыны па спецыяльнасці "мастак-афарміцель". Электроніка стала адыходзіць на другі план - Сяргей Каўрыга пачаў сур'ёзна займацца выяўленчым мастацтвам.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі