ДЗЯРЖОРГАНЫДЗЯРЖОРГАНЫ
Флаг Панядзелак, 20 верасня 2021
Мінск Пераменная воблачнасць +3°C
Усе навіны
Усе навіны
Культура
16 ліпеня 2021, 09:12

Дзень Саюзнай дзяржавы збірае сяброў на "Славянскім базары"

У час фестывалю
У час фестывалю

16 ліпеня, Віцебск /Кар. БЕЛТА/. Сёння на XXX Міжнародным фестывалі мастацтваў "Славянскі базар у Віцебску" пройдзе Дзень Саюзнай дзяржавы, паведамляе карэспандэнт БЕЛТА.

Гала-канцэрт у Летнім амфітэатры збярэ артыстаў з Беларусі і Расіі. На галоўнай сцэне фестывалю выступяць Нацыянальны акадэмічны народны хор Беларусі імя Г.І. Цітовіча, Дзяржаўны акадэмічны рускі народны хор імя М.Я. Пятніцкага, мужчынскі хор "Усіхсвяцкі", хор Срэценскага манастыра. Таксама публіку парадуюць Ларыса Доліна, Ірына Апяксімава, Дзіяна Гурцкая, Настасся Гладзіліна, Ірына Вашчанка, Аляксандр Алешка і іншыя.

Таксама ў Дзень Саюзнай дзяржавы ў Мастацкім музеі адкрыюцца выстаўкі "Залатая Хахлама - душа Расіі" і "Таржокскае залатое шыццё". У канцэртнай зале "Віцебск" пройдзе канцэрт Дзяржаўнага акадэмічнага ансамбля танца Кабардзіна-Балкарскай Рэспублікі "Кабардзінка".

Фэст вулічнага мастацтва "На сямі вятрах" зноў падпарадкуе сабе гістарычны цэнтр горада і збярэ на пляцоўках творчых людзей і калектывы з розных краін. Гульнявыя праграмы, выступленні кавер-бэндаў, танцы, перформансы, аўтарскія песні, светлавое і шоу бразільскіх барабанаў чакаюць гасцей.

На сцэне Нацыянальнага акадэмічнага драматычнага тэатра імя Якуба Коласа адбудзецца прэзентацыя праекта, прысвечанага 125-годдзю з дня нараджэння Сяргея Ясеніна. Праект уключае ў сябе выстаўку фота, архіўных дакументаў, а таксама суправаджаецца літаратурна-музычнай кампазіцыяй па матывах творчасці паэта. Экспазіцыя складаецца з планшэтаў, на якіх размяшчаюцца фатаграфіі архіўных дакументаў аддзела рукапісаў Інстытута сусветнай літаратуры ім. А.М. Горкага Расійскай акадэміі навук - аўтографы паэта, яго літаратурнае акружэнне, перапіска з роднымі і сябрамі, рэдкія здымкі, паэтычныя зборнікі прыжыццёвых выданняў. Многае будзе прадстаўлена ўпершыню.

У Коласаўскім тэатры заслужаны калектыў "Тэатр-студыя кінаакцёра УП "Нацыянальная кінастудыя "Беларусьфільм" пакажа спектакль "Фальшывая нота". Пастаноўка ўяўляе сабой псіхалагічную драму з элементамі дэтэктыва, якая нясе ў сабе невырашальныя пытанні маралі, асабістага выбару і маральнай адказнасці чалавека за свае ўчынкі. Яна прымусіць гледачоў зазірнуць ва ўласную душу, задумацца аб суразмернасці злачынства і расплаты за яго. "Лялечны квартал" прадоўжыцца выступленнем Маскоўскага тэатра лялек, артысты пакажуць спектакль "Усе мышы любяць сыр" па матывах казкі Дзюлы Урбана.

Фінал танцавальнага праекта Dream Dance Fest адбудзецца ў фармаце гала-канцэрта. Ён збярэ больш за 20 калектываў з Беларусі, Расіі і Казахстана.

ХХХ Міжнародны фестываль мастацтваў "Славянскі базар у Віцебску" праходзіць з 15 па 18 ліпеня, учора форум быў афіцыйна адкрыты. Закрыюць фестываль гала-канцэртам з узнагароджаннем пераможцаў конкурсаў 18 ліпеня. Журы дарослага конкурсу ўзначаліць народны артыст Беларусі Анатоль Ярмоленка, дзіцячага - спявак Філіп Жмахер (Сербія). У фестывалі прымаюць удзел прадстаўнікі 33 краін.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі