![](https://blr.belta.by/images/storage/news/with_archive/2024/000027_1724239045_134951_big.jpg)
21 жніўня, Мінск /Кар. БЕЛТА/. У Івацэвічах з 31 жніўня па 1 верасня пройдзе Дзень беларускага пісьменства. Аб гэтым паведаміў першы намеснік міністра інфармацыі Андрэй Кунцэвіч на прэс-канферэнцыі ў Нацыянальным прэс-цэнтры, перадае карэспандэнт БЕЛТА.
"Гэта свята адыгрывае значную ролю ў захаванні і прымнажэнні найбагацейшай культурнай спадчыны нашай краіны, у захаванні традыцый кнігадрукавання і пісьменства. Першы Дзень беларускага пісьменства прайшоў у 1994 годзе пры падтрымцы кіраўніка дзяржавы Аляксандра Лукашэнкі, і за гэтыя 30 гадоў сталіцай беларускага пісьменства былі 26 гарадоў і пасёлкаў. Больш таго, некаторыя з іх прымалі гэта свята двойчы, а старажытны Полацк - тройчы. У бягучым годзе свята прымае горад Івацэвічы Брэсцкай вобласці. Рыхтуецца вельмі сур'ёзная культурная праграма. На працягу двух дзён пройдуць каля 70 розных мерапрыемстваў", - расказаў Андрэй Кунцэвіч.
Першы намеснік міністра падкрэсліў, што Дзень беларускага пісьменства пройдзе пад знакам важнейшых юбілейных дат: 80-годдзя вызвалення Беларусі ад нямецка-фашысцкіх захопнікаў, 30-годдзя інстытута прэзідэнцтва і 30-годдзя Канстытуцыі. Таксама ў мерапрыемствах свята будзе адлюстравана тэматыка Года якасці.
"Па сутнасці, мерапрыемствы Дня беларускага пісьменства пачаліся ўжо. Напярэдадні завяршыўся рэспубліканскі конкурс юных чытальнікаў "Жывая класіка", у якім прынялі ўдзел амаль 15 тыс. беларускіх школьнікаў. Ужо ў час Дня беларускага пісьменства пройдзе гала-канцэрт пераможцаў гэтага конкурсу, а тэлеверсію фінальнага этапу конкурсу пакажуць на тэлеканале СТБ 1 верасня", - адзначыў Андрэй Кунцэвіч.
"Традыцыйна старт святочным мерапрыемствам дасць рэспубліканская навукова-асветная экспедыцыя "Дарога да святынь". З 28 жніўня па 1 верасня яна пройдзе па маршруце Мінск - Святое Поле (Баранавіцкі раён) - Ляхавічы - Пінск - Іванава - Драгічын - Белаазёрск (Бярозаўскі раён) - Івацэвічы. А 30 жніўня ў Палацы Рэспублікі адбудзецца міжнародны круглы стол "Час выбраў нас" з удзелам беларускіх і замежных пісьменнікаў, грамадскіх і культурных дзеячаў", - дадаў першы намеснік міністра.
Паводле яго слоў, на працягу двух дзён свята будзе арганізавана работа інтэрактыўных пляцовак, грамадскіх аб'яднанняў, публічных бібліятэк Брэсцкай вобласці, рэгіянальных СМІ, прадстаўлена пляцоўка "Турыстычны патэнцыял Брэсцкай вобласці і Івацэвіцкага раёна". Свае экспазіцыі прадставяць Беларускі дзяржаўны музей гісторыі Вялікай Айчыннай вайны, Дзяржаўны музей гісторыі беларускай літаратуры і іншыя музеі.
У час мерапрыемства Міністэрства інфармацыі арганізуе работу Фестывалю кнігі і прэсы, дзе прадставіць чатыры тэматычныя павільёны: "Сучасная Беларусь", "Беларусь памятае", "Зроблена ў Беларусі" і "Слова пісьменніка". На пляцоўцы "Зроблена ў Беларусі" госці ўбачаць лепшыя беларускія выданні, якія з'яўляюцца пераможцамі нацыянальнага і міжнароднага конкурсаў "Мастацтва кнігі". Упершыню на свяце так шырока пакажуць найбольш цікавыя беларускія кнігі, якія атрымалі міжнароднае прызнанне. А на пляцоўцы "Слова пісьменніка" пройдуць прэзентацыі, аўтограф-сесіі і творчыя сустрэчы з аўтарамі.-0-
"Гэта свята адыгрывае значную ролю ў захаванні і прымнажэнні найбагацейшай культурнай спадчыны нашай краіны, у захаванні традыцый кнігадрукавання і пісьменства. Першы Дзень беларускага пісьменства прайшоў у 1994 годзе пры падтрымцы кіраўніка дзяржавы Аляксандра Лукашэнкі, і за гэтыя 30 гадоў сталіцай беларускага пісьменства былі 26 гарадоў і пасёлкаў. Больш таго, некаторыя з іх прымалі гэта свята двойчы, а старажытны Полацк - тройчы. У бягучым годзе свята прымае горад Івацэвічы Брэсцкай вобласці. Рыхтуецца вельмі сур'ёзная культурная праграма. На працягу двух дзён пройдуць каля 70 розных мерапрыемстваў", - расказаў Андрэй Кунцэвіч.
Першы намеснік міністра падкрэсліў, што Дзень беларускага пісьменства пройдзе пад знакам важнейшых юбілейных дат: 80-годдзя вызвалення Беларусі ад нямецка-фашысцкіх захопнікаў, 30-годдзя інстытута прэзідэнцтва і 30-годдзя Канстытуцыі. Таксама ў мерапрыемствах свята будзе адлюстравана тэматыка Года якасці.
"Па сутнасці, мерапрыемствы Дня беларускага пісьменства пачаліся ўжо. Напярэдадні завяршыўся рэспубліканскі конкурс юных чытальнікаў "Жывая класіка", у якім прынялі ўдзел амаль 15 тыс. беларускіх школьнікаў. Ужо ў час Дня беларускага пісьменства пройдзе гала-канцэрт пераможцаў гэтага конкурсу, а тэлеверсію фінальнага этапу конкурсу пакажуць на тэлеканале СТБ 1 верасня", - адзначыў Андрэй Кунцэвіч.
"Традыцыйна старт святочным мерапрыемствам дасць рэспубліканская навукова-асветная экспедыцыя "Дарога да святынь". З 28 жніўня па 1 верасня яна пройдзе па маршруце Мінск - Святое Поле (Баранавіцкі раён) - Ляхавічы - Пінск - Іванава - Драгічын - Белаазёрск (Бярозаўскі раён) - Івацэвічы. А 30 жніўня ў Палацы Рэспублікі адбудзецца міжнародны круглы стол "Час выбраў нас" з удзелам беларускіх і замежных пісьменнікаў, грамадскіх і культурных дзеячаў", - дадаў першы намеснік міністра.
Паводле яго слоў, на працягу двух дзён свята будзе арганізавана работа інтэрактыўных пляцовак, грамадскіх аб'яднанняў, публічных бібліятэк Брэсцкай вобласці, рэгіянальных СМІ, прадстаўлена пляцоўка "Турыстычны патэнцыял Брэсцкай вобласці і Івацэвіцкага раёна". Свае экспазіцыі прадставяць Беларускі дзяржаўны музей гісторыі Вялікай Айчыннай вайны, Дзяржаўны музей гісторыі беларускай літаратуры і іншыя музеі.
У час мерапрыемства Міністэрства інфармацыі арганізуе работу Фестывалю кнігі і прэсы, дзе прадставіць чатыры тэматычныя павільёны: "Сучасная Беларусь", "Беларусь памятае", "Зроблена ў Беларусі" і "Слова пісьменніка". На пляцоўцы "Зроблена ў Беларусі" госці ўбачаць лепшыя беларускія выданні, якія з'яўляюцца пераможцамі нацыянальнага і міжнароднага конкурсаў "Мастацтва кнігі". Упершыню на свяце так шырока пакажуць найбольш цікавыя беларускія кнігі, якія атрымалі міжнароднае прызнанне. А на пляцоўцы "Слова пісьменніка" пройдуць прэзентацыі, аўтограф-сесіі і творчыя сустрэчы з аўтарамі.-0-