ДЗЯРЖОРГАНЫДЗЯРЖОРГАНЫ
Флаг Серада, 8 лютага 2023
Мінск Суцэльная воблачнасць -10°C
Усе навіны
Усе навіны
Культура
21 лістапада 2022, 16:40

Дырэктар Палаца Рэспублікі расказаў аб падтрымцы маладых артыстаў і новых праектах

Фота з архіва
Фота з архіва

21 лістапада, Мінск /Кар. БЕЛТА/. Палац Рэспублікі імкнецца максімальна паказаць маладых артыстаў. Аб гэтым на прэс-канферэнцыі заявіў дырэктар Палаца Рэспублікі Максім Прыхадоўскі, перадае карэспандэнт БЕЛТА.

"Акцэнт на рабоце з беларускімі артыстамі для нас прынцыпова важны. У першую чаргу мы імкнёмся максімальна паказаць маладых артыстаў і робім акцэнты на гэтым. У нас ёсць некалькі тэлевізійных праектаў, але ў той жа час зразумела, што ахоп нашых маладых артыстаў да пэўнага часу быў вельмі малы. У бягучым годзе мы адкрылі праект "Новае імя", у рамках яго з Прэзідэнцкім аркестрам прайшло ўжо два канцэрты. Гэта быў сольны канцэрт Ганны Трубяцкой, таксама канцэрт Мікіты Бялько", - расказал Максім Прыхадоўскі.

Цяпер у Палацы Рэспублікі рыхтуюць трэці канцэрт у рамках праекта. "Не буду раскрываць карты, скажу толькі, што канцэрт будзе ў вялікай зале Палаца Рэспублікі. Мы бачым, наколькі важна падтрымка маладых беларускіх артыстаў, якія, можа, дагэтуль былі невядомыя. І магчымасць зрабіць сольную праграму з Прэзідэнцкім аркестрам - гэта архіважна ў разрэзе падтрымкі нацыянальнай культуры, маладых артыстаў. Мы актыўна працуем з нашымі топавымі беларускімі артыстамі, робім з імі сольныя праграмы. Гэта для нас таксама прынцыпова важнае пытанне", - падкрэсліў дырэктар Палаца Рэспублікі.

Ён таксама расказаў пра работу ўстановы па правядзенні канцэртаў артыстаў з іншых краін. "Што датычыцца прыезду зорак замежнай эстрады, мы па-ранейшаму прадаўжаем гэту работу. У Прэзідэнцкага аркестра гэта наогул асобны напрамак. Ідуць перагаворы наконт прыезду замежных артыстаў у Беларусь, у прыватнасці ў Мінск. Гэта няпростыя перагаворы, лагістыка даволі складаная. Але ў той жа час, думаю, у пачатку наступнага года мы заявім некалькі даволі вядомых артыстаў, якія прыедуць да нас з канцэртамі. Гэта будзе пляцоўка не толькі Палаца Рэспублікі, але і іншыя, больш умяшчальныя пляцоўкі, дзе мы ўбачым гэтых артыстаў", - паведаміў Максім Прыхадоўскі.

У бягучым годзе Палац Рэспублікі святкуе сваё 25-годдзе, а Прэзідэнцкі аркестр Беларусі - 20-годдзе. Святочны канцэрт, прысвечаны гэтым падзеям, пройдзе 25 лістапада ў Палацы Рэспублікі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі