Дырэктар кінафестывалю ў Пусане: хачу паказаць беларускія фільмы ў Паўднёвай Карэі

4 лістапада, Мінск /Кар. БЕЛТА/. Член журы асноўнага конкурсу ігравога кіно ХХХ Мінскага міжнароднага кінафестывалю "Лістапад", дырэктар кінацэнтра і кінафестывалю ў паўднёвакарэйскім Пусане Кім Джын Хэ расказаў, што хацеў бы прадставіць беларускае кіно ў Паўднёвай Карэі, перадае карэспандэнт БЕЛТА.

"У наступным годзе мы плануем правесці ў нашай краіне Еўразійскі кінафестываль, і я хачу выдзеліць спецыяльную секцыю для беларускага кіно", - заўважыў Кім Джын Хэ.

У Беларусі ён упершыню і ў вялікім захапленні ад нашай краіны, асабліва - ад нашых добрых і гасцінных людзей.

"У вашага кінафестывалю выдатная праграма. Я паглядзеў ужо шэсць фільмаў. Мяне ўразілі работы з Саудаўскай Аравіі і Індыі, таму што ў іх вельмі цікавы стыль", - падзяліўся Кім Джын Хэ.

Паводле яго слоў, у наступным годзе на фестывалі "Лiстапад" напэўна будуць прадстаўлены паўднёвакарэйскія фільмы.

У ходзе Дня адкрытых дзвярэй на нацыянальнай кінастудыі "Беларусьфільм" Кім Джын Хэ азнаёміўся з гісторыяй беларускага кіно і паразмаўляў з прадстаўнікамі кінастудыі.

XXX Мінскі міжнародны кінафестываль "Лістапад" прадоўжыцца да 8 лістапада. Галоўныя тэмы юбілейнага "Лістапада" - 100-годдзе беларускага кіно і 30-годдзе фестывалю. За час фестывалю будзе паказана каля 130 карцін з больш як 40 краін.-0-