Юрый Аляксей. Фота з архіва
4 лістапада, Мінск /Кар. БЕЛТА/. Нацыянальная кінастудыя "Беларусьфільм" прыйшла да пагаднення аб сумеснай кінавытворчасці з кінастудыяй "Ленфільм", паведаміў журналістам генеральны дырэктар нацыянальнай кінастудыі "Беларусьфільм" Юрый Аляксей у час Дня адкрытых дзвярэй, перадае карэспандэнт БЕЛТА.
"Мы знайшлі новых партнёраў і прыйшлі да пагаднення аб сумеснай кінавытворчасці з "Ленфільмам". Зусім хутка будуць падпісаны дагаворы аб намерах", - сказаў Юрый Аляксей.
Дзень адкрытых дзвярэй на нацыянальнай кінастудыі прайшоў у ходзе ХХХ Мінскага міжнароднага кінафестывалю "Лістапад". Юрый Аляксей адзначыў, што ў гэтым годзе "Беларусьфільм" прадставіў сваю вытворчасць ва ўсіх жанрах: дакументалістыцы, анімацыі, ігравым кіно.
"З дапамогай кінадыпламатыі мы адкрываем дзверы ў індыйскую, кітайскую і расійскую кінавытворчасць. Таму я лічу, што такія фестывалі не толькі ўмацоўваюць нашу дружбу, але і даюць магчымасць паказаць культуру, фальклор нашых народаў, дапамагаюць папулярызаваць беларускае кіно", - дадаў ён.
У Дзень адкрытых дзвярэй на кінастудыю прыехалі партнёры з Індыі, Рэспублікі Карэя, Ірана. "Знамянальна, што ў кінатэатры "Перамога" сёння ўпершыню пройдзе Дзень кіно Зімбабвэ. Гэта вельмі важна для Мінска і нашай краіны ў цэлым, паколькі такія мерапрыемствы ўмацоўваюць адносіны паміж дзвюма дзяржавамі", - падкрэсліў Юрый Аляксей.
"Акрамя таго, мы правялі перагаворы з прадстаўніком Рэспублікі Карэя аб удзеле ў фестывалі ў наступным годзе. На фестывалі мы знаходзім партнёраў для сумеснай вытворчасці або кінапрадукцыі. Ён дае магчымасць выхаду на рынкі іншых дзяржаў. Гэта вялікі шанц паказаць сябе", - рэзюмаваў генеральны дырэктар нацыянальнай кінастудыі "Беларусьфільм".
ХХХ Мінскі міжнародны кінафестываль "Лістапад" прадоўжыцца да 8 лістапада. Галоўныя тэмы юбілейнага "Лістапада" - 100-годдзе беларускага кіно і 30-годдзе фестывалю. За час фестывалю будзе паказана каля 130 карцін з больш як 40 краін.-0-
"Мы знайшлі новых партнёраў і прыйшлі да пагаднення аб сумеснай кінавытворчасці з "Ленфільмам". Зусім хутка будуць падпісаны дагаворы аб намерах", - сказаў Юрый Аляксей.
Дзень адкрытых дзвярэй на нацыянальнай кінастудыі прайшоў у ходзе ХХХ Мінскага міжнароднага кінафестывалю "Лістапад". Юрый Аляксей адзначыў, што ў гэтым годзе "Беларусьфільм" прадставіў сваю вытворчасць ва ўсіх жанрах: дакументалістыцы, анімацыі, ігравым кіно.
"З дапамогай кінадыпламатыі мы адкрываем дзверы ў індыйскую, кітайскую і расійскую кінавытворчасць. Таму я лічу, што такія фестывалі не толькі ўмацоўваюць нашу дружбу, але і даюць магчымасць паказаць культуру, фальклор нашых народаў, дапамагаюць папулярызаваць беларускае кіно", - дадаў ён.
У Дзень адкрытых дзвярэй на кінастудыю прыехалі партнёры з Індыі, Рэспублікі Карэя, Ірана. "Знамянальна, што ў кінатэатры "Перамога" сёння ўпершыню пройдзе Дзень кіно Зімбабвэ. Гэта вельмі важна для Мінска і нашай краіны ў цэлым, паколькі такія мерапрыемствы ўмацоўваюць адносіны паміж дзвюма дзяржавамі", - падкрэсліў Юрый Аляксей.
"Акрамя таго, мы правялі перагаворы з прадстаўніком Рэспублікі Карэя аб удзеле ў фестывалі ў наступным годзе. На фестывалі мы знаходзім партнёраў для сумеснай вытворчасці або кінапрадукцыі. Ён дае магчымасць выхаду на рынкі іншых дзяржаў. Гэта вялікі шанц паказаць сябе", - рэзюмаваў генеральны дырэктар нацыянальнай кінастудыі "Беларусьфільм".
ХХХ Мінскі міжнародны кінафестываль "Лістапад" прадоўжыцца да 8 лістапада. Галоўныя тэмы юбілейнага "Лістапада" - 100-годдзе беларускага кіно і 30-годдзе фестывалю. За час фестывалю будзе паказана каля 130 карцін з больш як 40 краін.-0-
Падпісвайцеся на нас у
