Мабільная версія
ДЗЯРЖОРГАНЫ

Апошнія навіны
Усе навіны

Драўляныя скульптуры па творах Якуба Коласа і Івана Мележа створаць на пленэры ў Ляскавічах

Культура 05.08.2019 | 15:02
Фота з архіва
Фота з архіва

5 жніўня, Гомель /Кар. БЕЛТА/. Абласны конкурс драўлянай скульптуры "Ажыўшая даўніна" пройдзе ў аграгарадку Ляскавічы Петрыкаўскага раёна з 5 па 14 жніўня, паведамілі карэспандэнту БЕЛТА ў Гомельскім абласным цэнтры народнай творчасці.

На пленэры збяруцца 11 майстроў з розных куткоў рэгіёна. Самы малодшы з іх 1988 года нараджэння, найбольш вопытнаму ўдзельніку 65 гадоў. На працягу 10 дзён яны будуць ствараць па ўласных эскізах па дзве скульптуры. Адна з іх павінна быць вышынёй да 1,5 м, другая - да 1 м. Тэматыка гэтага пленэра прысвечана матывам аповесці "Дрыгва" і драмы "У пушчах Палесся" Якуба Коласа, якія расказваюць пра партызанскі лёс Дзеда Талаша, а таксама трылогіі Івана Мележа "Палеская хроніка".

Экспертная камісія пры ацэнцы работ будзе ўлічваць мастацкі ўзровень скульптур, якасць тэхналагічных прыёмаў разьбы, арыгінальнасць вобразаў. Лепшых назавуць у намінацыях "За высокае майстэрства і мастацкі густ", "За лепшы мастацкі вобраз", "За лаканізм і выразнасць твора", "За захаванне і творчае развіццё традыцый разьбы па дрэве", а таксама ў персанальных намінацыях, заснаваных аргкамітэтам.

Гэты конкурс, які праводзіцца раз у два гады, стане ўжо шостым па ліку. Арганізуюць яго галоўнае ўпраўленне ідэалагічнай работы, культуры і па справах моладзі Гомельскага аблвыканкама, абласны цэнтр народнай творчасці, аддзел адэалагічнай работы, культуры і па справах моладзі Петрыкаўскага райвыканкама.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Машынабудаванне Беларусі Машынабудаўнічы комплекс Беларусі прадстаўляюць каля 250 вялікіх і сярэдніх арганізацый, у якіх працуюць 192 тыс. чалавек.