Дранікі-запарнікі: старадаўні рэцэпт з Гродзеншчыны

Рэцэпт перадала жыхарка вёскі Беліца Лідскага раёна Яніна Ясюлевіч 1913 г. н. сваёй нявестцы Марыі Ясюлевіч 1942 г. н., а яна, у сваю чаргу, дачцэ Але Малец 1975 г. н.

Пачысціць бульбу і цыбулю. Надзерці на дробнай тарцы бульбу і заліць адной шклянкай гарачай сыроваткі, усыпаць соль на смак. Даць запарыцца бульбе пяць хвілін. Дадаць муку, яйка і надзёртую на дробнай тарцы цыбулю. Смажыць на алеі альбо ў тлушчы. 

Смачна есці!

| Ігар ГАНЧАРУК, часопіс "Беларуская думка". Фота з архіва БЕЛТА.