5 чэрвеня, Мінск /Кар. БЕЛТА/. Рэспубліканскі фестываль-конкурс моды і фота "Млын моды" дае пуцёўку ў жыццё маладым дызайнерам. Такім меркаваннем падзяліўся начальнік галоўнага ўпраўлення выхаваўчай работы і маладзёжнай палітыкі Міністэрства адукацыі Віктар Доўнар перад узнагароджваннем пераможцаў "Млына моды - 2024", перадае карэспандэнт БЕЛТА.
"Фестываль "Млын моды" мы чакалі з нецярпеннем цэлы год. Гэтыя тры дні праляцелі хутка і непрыкметна. Творчасць, грацыя, мода і крэатыў - гэта ўсё пра наш фестываль, паколькі сапраўды нашы маладыя дызайнеры і мастакі паказалі крэатыў і творчасць. Наколькі я ведаю, сёння журы было вельмі цяжка выбраць абсалютных пераможцаў, і гэта сапраўды дарагога варта, бо фестываль дае пуцёўку нашай моладзі ў жыццё. Многія з удзельнікаў у перспектыве стануць вядомымі мастакамі-мадэльерамі. Сёння мы бачылі і работы мінулых гадоў тых мадэльераў, якія ўжо сталі пераможцамі", - сказаў Віктар Доўнар.
"Вядома ж, я хачу падзякаваць усім арганізатарам і спонсарам гэтага фестывалю. У першую чаргу гэта канцэрн "Беллегпрам". Напэўна, без падтрымкі менавіта гэтага канцэрна нам, Міністэрству адукацыі, было б цяжка арганізаваць гэта цудоўнае свята. Сёння ў фестывалі прымаюць удзел нашы замежныя сябры з Расійскай Федэрацыі і іншых краін. Вялікі дзякуй, што знайшлі час прыехаць, прадставіць свой вопыт, падзяліцца творчасцю. Фестываль прадоўжыць развівацца, і я ўпэўнены, што мы з нецярпеннем будзем чакаць ужо XXXIV фестываль "Млын моды - 2025", - падкрэсліў Віктар Доўнар.
Куратар дызайнерскіх праектаў выставы Collection Premiere Moscow, член журы "Млына моды - 2024" Галіна Істоміна ўпершыню прыехала на фестываль з Масквы. "Мне вельмі спадабалася, як усё арганізавана, уразіла геаграфія работ. Арганізатары з вялікім разуменнем аднесліся да таго, што ёсць па-рознаму падрыхтаваныя калектывы. Трэба сказаць, што мы як члены журы таксама неаднолькава глядзім на людзей з рознай падрыхтоўкай, і гэта правільна. Але ўсё ж важна, каб у чалавека быў доступ і магчымасць для далейшага развіцця. Зразумела, у мяне ёсць свае фаварыты, і я прывезла сюды вялікі прыз. Два ўдзельнікі атрымаюць стэнд на нашай выстаўцы. Калі дызайнеры правільна да яе падрыхтуюцца, то змогуць выйсці на расійскі рынак", - дадала Галіна Істоміна.
XXXIII Рэспубліканскі фестываль-конкурс моды і фота "Млын моды - 2024" прайшоў у Мінску з 3 па 5 чэрвеня. Так, 3 чэрвеня ў Нацыянальным мастацкім музеі адкрылася выстава фіналістаў у намінацыі "Фота", 4 чэрвеня прайшлі адукацыйныя семінары і лекцыі, а 5 чэрвеня ў выставачнай зале Prime Hall прайшоў конкурсны паказ калекцый беларускіх дызайнераў-фіналістаў і былі выбраны пераможцы.-0-
"Фестываль "Млын моды" мы чакалі з нецярпеннем цэлы год. Гэтыя тры дні праляцелі хутка і непрыкметна. Творчасць, грацыя, мода і крэатыў - гэта ўсё пра наш фестываль, паколькі сапраўды нашы маладыя дызайнеры і мастакі паказалі крэатыў і творчасць. Наколькі я ведаю, сёння журы было вельмі цяжка выбраць абсалютных пераможцаў, і гэта сапраўды дарагога варта, бо фестываль дае пуцёўку нашай моладзі ў жыццё. Многія з удзельнікаў у перспектыве стануць вядомымі мастакамі-мадэльерамі. Сёння мы бачылі і работы мінулых гадоў тых мадэльераў, якія ўжо сталі пераможцамі", - сказаў Віктар Доўнар.
"Вядома ж, я хачу падзякаваць усім арганізатарам і спонсарам гэтага фестывалю. У першую чаргу гэта канцэрн "Беллегпрам". Напэўна, без падтрымкі менавіта гэтага канцэрна нам, Міністэрству адукацыі, было б цяжка арганізаваць гэта цудоўнае свята. Сёння ў фестывалі прымаюць удзел нашы замежныя сябры з Расійскай Федэрацыі і іншых краін. Вялікі дзякуй, што знайшлі час прыехаць, прадставіць свой вопыт, падзяліцца творчасцю. Фестываль прадоўжыць развівацца, і я ўпэўнены, што мы з нецярпеннем будзем чакаць ужо XXXIV фестываль "Млын моды - 2025", - падкрэсліў Віктар Доўнар.
Куратар дызайнерскіх праектаў выставы Collection Premiere Moscow, член журы "Млына моды - 2024" Галіна Істоміна ўпершыню прыехала на фестываль з Масквы. "Мне вельмі спадабалася, як усё арганізавана, уразіла геаграфія работ. Арганізатары з вялікім разуменнем аднесліся да таго, што ёсць па-рознаму падрыхтаваныя калектывы. Трэба сказаць, што мы як члены журы таксама неаднолькава глядзім на людзей з рознай падрыхтоўкай, і гэта правільна. Але ўсё ж важна, каб у чалавека быў доступ і магчымасць для далейшага развіцця. Зразумела, у мяне ёсць свае фаварыты, і я прывезла сюды вялікі прыз. Два ўдзельнікі атрымаюць стэнд на нашай выстаўцы. Калі дызайнеры правільна да яе падрыхтуюцца, то змогуць выйсці на расійскі рынак", - дадала Галіна Істоміна.
XXXIII Рэспубліканскі фестываль-конкурс моды і фота "Млын моды - 2024" прайшоў у Мінску з 3 па 5 чэрвеня. Так, 3 чэрвеня ў Нацыянальным мастацкім музеі адкрылася выстава фіналістаў у намінацыі "Фота", 4 чэрвеня прайшлі адукацыйныя семінары і лекцыі, а 5 чэрвеня ў выставачнай зале Prime Hall прайшоў конкурсны паказ калекцый беларускіх дызайнераў-фіналістаў і былі выбраны пераможцы.-0-
Падпісвайцеся на нас у
