Фота з архіва
25 лістапада, Мінск /Кар. БЕЛТА/. Дні культуры Беларусі праходзяць у Таджыкістане з 24 па 26 лістапада, паведамілі БЕЛТА ў Міністэрстве культуры.
Так, 25-26 лістапада пройдуць Дні беларускага кіно ў Таджыкістане. Гледачу будуць прадстаўлены мастацкі фільм "Чорны замак", дакументальны "Мара чэмпіёна" і анімацыйны "Песня Сірын".
Акрамя таго, 25 лістапада адбудзецца цырымонія адкрыцця літаратурна-дакументальнай выставы "Крывёй сэрца", арганізаванай Дзяржаўным музеем гісторыі беларускай літаратуры і Беларускім дзяржаўным музеем гісторыі Вялікай Айчыннай вайны. Выстава атрымала сваю назву ад аднайменнага зборніка вершаў беларускіх паэтаў, загінулых у гады Вялікай Айчыннай вайны. На аснове фондавых матэрыялаў на выставе будуць прадстаўлены гісторыі ваенных лёсаў ураджэнцаў Таджыкістана: удзельнікаў партызанскага руху на тэрыторыі Беларусі Муміна Алімжанава, Джуры Раімжанава, Мамаджана Таірава, франтавікоў, якія ўдзельнічалі ў вызваленні нашай рэспублікі ў 1944 годзе, ваеннапалонных, загінулых на тэрыторыі Беларусі ў Шталагу 352, чые імёны занесены ў кнігу "Вечная памяць вам, сыны савецкага народа".
На сцэне Таджыкскага дзяржаўнага акадэмічнага тэатра оперы і балета імя Садрыддзіна Айні пройдуць урачыстае адкрыццё Дзён культуры і гала-канцэрт майстроў мастацтваў Беларусі. На ім выступяць Дзяржаўны акадэмічны ансамбль танца Беларусі, Нацыянальны акадэмічны народны хор Рэспублікі Беларусь імя Генадзя Цітовіча, вакальная група "Чысты голас", дуэт баяністаў "Неба Саўнд", салісты Вялікага тэатра Беларусі і салістка Беларускага дзяржаўнага акадэмічнага заслужанага харэаграфічнага ансамбля "Харошкі".-0-
Так, 25-26 лістапада пройдуць Дні беларускага кіно ў Таджыкістане. Гледачу будуць прадстаўлены мастацкі фільм "Чорны замак", дакументальны "Мара чэмпіёна" і анімацыйны "Песня Сірын".
Акрамя таго, 25 лістапада адбудзецца цырымонія адкрыцця літаратурна-дакументальнай выставы "Крывёй сэрца", арганізаванай Дзяржаўным музеем гісторыі беларускай літаратуры і Беларускім дзяржаўным музеем гісторыі Вялікай Айчыннай вайны. Выстава атрымала сваю назву ад аднайменнага зборніка вершаў беларускіх паэтаў, загінулых у гады Вялікай Айчыннай вайны. На аснове фондавых матэрыялаў на выставе будуць прадстаўлены гісторыі ваенных лёсаў ураджэнцаў Таджыкістана: удзельнікаў партызанскага руху на тэрыторыі Беларусі Муміна Алімжанава, Джуры Раімжанава, Мамаджана Таірава, франтавікоў, якія ўдзельнічалі ў вызваленні нашай рэспублікі ў 1944 годзе, ваеннапалонных, загінулых на тэрыторыі Беларусі ў Шталагу 352, чые імёны занесены ў кнігу "Вечная памяць вам, сыны савецкага народа".
На сцэне Таджыкскага дзяржаўнага акадэмічнага тэатра оперы і балета імя Садрыддзіна Айні пройдуць урачыстае адкрыццё Дзён культуры і гала-канцэрт майстроў мастацтваў Беларусі. На ім выступяць Дзяржаўны акадэмічны ансамбль танца Беларусі, Нацыянальны акадэмічны народны хор Рэспублікі Беларусь імя Генадзя Цітовіча, вакальная група "Чысты голас", дуэт баяністаў "Неба Саўнд", салісты Вялікага тэатра Беларусі і салістка Беларускага дзяржаўнага акадэмічнага заслужанага харэаграфічнага ансамбля "Харошкі".-0-
Падпісвайцеся на нас у
