21 лістапада, Гродна /Кар. БЕЛТА/. Навагоднюю пастаноўку "Шчаўкунок" паводле матываў казкі Эрнеста Тэадора Амадэя Гофмана рыхтуюць у Гродзенскім абласным драматычным тэатры, перадае карэспандэнт БЕЛТА.
Гродзенскі абласны драматычны тэатр у новы, 2026 год, увойдзе з казкай "Шчаўкунок", і ўвойдзе не выпадкова. У першую чаргу, адзначае дырэктар установы культуры Вольга Багдановіч, таму што "Шчаўкунок" - усімі любімая гісторыя, добрая, традыцыйная казка. "Пры выбары навагодняга рэпертуару арыенцір быў на сям'ю. Мы вельмі хочам, каб мамы і таты, бабулі і дзядулі не проста прыводзілі сваіх дзяцей у тэатр, а маглі паглядзець спектакль разам з падрастаючым пакаленнем і абмеркаваць. "Шчаўкунок" аб'яднае пакаленні, таму што гэта вечная казка з дзяцінства, якая можа ставь нагодай для добрай, цёплай сямейнай размовы", - сказала Вольга Багдановіч.
Паказваць спектакль на вялікай сцэне драмтэатра будуць па 6 студзеня, запланавана па два-тры спектаклі на дзень. Акунуцца ў атмасферу чараўніцтва можна будзе і 31 снежня. У пастаноўцы задзейнічаны два акцёрскія склады. Выканаўца ролі Мары, Ксенія Калагрыў дзеліцца, што падыход рэжысёра да творчага працэсу стварэння казкі быў вельмі нечаканым. "Мы зрабілі казку, якая будзе цікавая як даросламу пакаленню, так і дзецям. Гэта той матэрыял, у якім і дарослы здолее знайсці нейкія пазнавальныя моманты і зачапіцца за сюжэт. Яна будзе вельмі яркай, вельмі насычанай, - сказала актрыса. - Героі іграюць па некалькі роляў, што вельмі цікава. Касцюмы і дэкарацыі яркія, музычнае афармленне ў казцы вельмі нечаканае. Мы, калі першы раз пачулі, былі ў захапленні. Прычым усе, пачынаючы ад класічнай балетнай гісторыі да сучасных песень. Спадзяюся, наш глядач гродзенскі ацэніць яе па заслугах".
Вялікая работа праведзена і прадаўжаецца і з тэхнічнага пункту гледжання. Ствараюцца дэкарацыі, дапрацоўваюцца касцюмы, галаўныя ўборы, аксесуары. Як расказала галоўны мастак тэатра і мастак-пастаноўшчык спектакля Ірына Шабаценка, пасля работы над ідэяй афармлення прадоўжылася карпатлівая ручная работа над элементамі дэкарацый, а іх сотні і сотні, а таксама над касцюмамі. "Я атрымліваю п'есу, чытаю, і мая задача - візуалізаваць. Мы абмяркоўвалі з рэжысёрам-пастаноўшчыкам свае задумы і ўяўленні. Стварэнне эскізаў і макетаў займае месяц, яшчэ каля двух ідзе на рабочы працэс. А далей у рабоце з'яўляецца нешта новае, нейкія моманты, якія былі непрадказальныя", - сказала яна.
Гродзенскі абласны драматычны тэатр у новы, 2026 год, увойдзе з казкай "Шчаўкунок", і ўвойдзе не выпадкова. У першую чаргу, адзначае дырэктар установы культуры Вольга Багдановіч, таму што "Шчаўкунок" - усімі любімая гісторыя, добрая, традыцыйная казка. "Пры выбары навагодняга рэпертуару арыенцір быў на сям'ю. Мы вельмі хочам, каб мамы і таты, бабулі і дзядулі не проста прыводзілі сваіх дзяцей у тэатр, а маглі паглядзець спектакль разам з падрастаючым пакаленнем і абмеркаваць. "Шчаўкунок" аб'яднае пакаленні, таму што гэта вечная казка з дзяцінства, якая можа ставь нагодай для добрай, цёплай сямейнай размовы", - сказала Вольга Багдановіч.
Прэм'ера пастаноўкі, якая ахіне каляднай казачнай атмасферай, адбудзецца ўжо 13 снежня, цяпер жа ідзе падрыхтоўка і праходзяць рэпетыцыі. Як падзялілася рэжысёр-пастаноўшчык спектакля Аліна Сарокіна, заўсёды вельмі адказна браць матэрыял, які вельмі добра ўсе ведаюць. "Музыка вельмі прыгожая, балет выдатны. Але калі разглядаць з пункту гледжання драматычнага тэатра, то ў другой палавіне п'есы няма дзеяння, значыць, трэба гэта кампенсаваць. І мы вяртаемся да крыніцы, сутыкаемся з задачай - трэба расказаць дзве гісторыі. Многія не ведаюць сюжэт поўнасцю, з чаго пачыналася гісторыя. І ў гэтай пастаноўцы мы пастараліся гэта паказаць дзецям, знайсці форму", - адзначыла Аліна Сарокіна, дадаўшы, што казка не дзіцячая і таму калектыў драмтэатра стараецца зрабіць яе зразумелай для маленькіх гледачоў, у тым ліку з дапамогай мультымедыя.
"Мы стараемся раскрыць тэму казкі - трэба глядзець на людзей сэрцам, толькі з добрым сэрцам ты можаш убачыць сапраўднага чалавека, убачыць унутраную прыгажосць, за гэта палюбіць, і тады адбудзецца цуд", - дадае рэжысёр-пастаноўшчык. Дарэчы, "Шчаўкунок" для Аліны Сарокінай першы спектакль у Гродзенскім драмтэатры, рэжысёр-пастаноўшчык прыехала ў горад над Нёманам з Расіі. "Перыяд і момант для мяне вельмі адказны. Вельмі хвалююча, таму што тэатр - гэта ўсё ж такі сям'я, - адзначыла яна. - Хочацца, каб атмасфера была лёгкая, каб прысутнічаў гумар. Мы праводзім большую частку жыцця тут, на рабоце, і гэта, па сутнасці, нават не работа, а служэнне, лад жыцця. І калі мы атрымліваем ад працэсу задавальненне, тады на нейкім аўтаматычным узроўні гледачы счытваюць гэта задавальненне, і ім тады падабаюцца спектаклі. Гэта нельга памацаваць, але можна адчуць".
Паказваць спектакль на вялікай сцэне драмтэатра будуць па 6 студзеня, запланавана па два-тры спектаклі на дзень. Акунуцца ў атмасферу чараўніцтва можна будзе і 31 снежня. У пастаноўцы задзейнічаны два акцёрскія склады. Выканаўца ролі Мары, Ксенія Калагрыў дзеліцца, што падыход рэжысёра да творчага працэсу стварэння казкі быў вельмі нечаканым. "Мы зрабілі казку, якая будзе цікавая як даросламу пакаленню, так і дзецям. Гэта той матэрыял, у якім і дарослы здолее знайсці нейкія пазнавальныя моманты і зачапіцца за сюжэт. Яна будзе вельмі яркай, вельмі насычанай, - сказала актрыса. - Героі іграюць па некалькі роляў, што вельмі цікава. Касцюмы і дэкарацыі яркія, музычнае афармленне ў казцы вельмі нечаканае. Мы, калі першы раз пачулі, былі ў захапленні. Прычым усе, пачынаючы ад класічнай балетнай гісторыі да сучасных песень. Спадзяюся, наш глядач гродзенскі ацэніць яе па заслугах".
Выканаўца ролі Шчаўкунка Дзмітрый Рубель у сваю чаргу адзначыў, што работа над вобразам для яго была адказнай: "У кожнага чалавека ёсць сваё ўражанне ад гэтага героя. І для мяне было важна прыўнесці ў гэты вобраз нешта сваё. Для мяне вобраз Шчаўкунка - вобраз мужчыны, здольнага абараніць сваю даму, моцнага і адказнага чалавека".
Валерый Бабкін, які ў спектаклі выконвае ролю Эрыка Штальбаума, а таксама і Мандарынавага ручая адзначыў, што асабліва хвалююча іграць у пастаноўцы для дзяцей. "Маленькі глядач заўсёды ўдзячны. І, што важна, яго не падманеш, ён адчувае фальш. Ад таго і складаней, але чым складаней, тым цікавей, больш паглыбляешся ў вобраз персанажа", - сказаў акцёр.
Вялікая работа праведзена і прадаўжаецца і з тэхнічнага пункту гледжання. Ствараюцца дэкарацыі, дапрацоўваюцца касцюмы, галаўныя ўборы, аксесуары. Як расказала галоўны мастак тэатра і мастак-пастаноўшчык спектакля Ірына Шабаценка, пасля работы над ідэяй афармлення прадоўжылася карпатлівая ручная работа над элементамі дэкарацый, а іх сотні і сотні, а таксама над касцюмамі. "Я атрымліваю п'есу, чытаю, і мая задача - візуалізаваць. Мы абмяркоўвалі з рэжысёрам-пастаноўшчыкам свае задумы і ўяўленні. Стварэнне эскізаў і макетаў займае месяц, яшчэ каля двух ідзе на рабочы працэс. А далей у рабоце з'яўляецца нешта новае, нейкія моманты, якія былі непрадказальныя", - сказала яна.
Трэба адзначыць, што ўпершыню Гродзенскі драматычны тэатр прапануе сваім юным гасцям прыняць удзел у навагоднім майстар-класе. Так, дзецям перад пачаткам спектакля прапануюць зрабіць і размаляваць казачнага персанажа спектакля "Шчаўкунок" і сімвала Новага года - коніка.-0-
фота Леаніда Шчаглова
Падпісвайцеся на нас у
