ДЗЯРЖОРГАНЫДЗЯРЖОРГАНЫ
Флаг Субота, 2 ліпеня 2022
Мінск Малавоблачна +20°C
Усе навіны
Усе навіны
Культура
04 красавіка 2022, 11:02

Дэпутат: Слуцк творча рэалізуе праект культурнай сталіцы і напоўніць летапіс новымі дасягненнямі

Фота з архіва
Фота з архіва

4 красавіка, Мінск /Кар. БЕЛТА/. Слуцк творча рэалізуе праект культурнай сталіцы і напоўніць летапіс новымі дасягненнямі, заявіла карэспандэнту БЕЛТА намеснік старшыні Пастаяннай камісіі па правах чалавека, нацыянальных адносінах і сродках масавай інфармацыі Палаты прадстаўнікоў Валянціна Ражанец.

"Слуцк - адзін з найстарэйшых беларускіх гарадоў, якому больш за 900 гадоў, і ён па праву атрымаў статус культурнай сталіцы Беларусі 2023 года, - сказала Валянціна Ражанец. - Прыгожы, старажытны і ў той жа час малады горад захапляе сваёй энергетыкай. Першае згадванне пра яго ў "Аповесці мінулых гадоў" датуецца 1116 годам. Дзякуючы правацітасці і творчасці продкаў край атрымаў вядомасць і славу. Слуцк - трэці горад у Беларусі пасля Брэста і Гродна, які атрымаў права на самакіраванне ў 1441 годзе, што палепшыла ўмовы гандлю".

Дэпутат нагадала: на гэтай зямлі былі сатканы слуцкія паясы - гонар і шэдэўр беларускага дэкаратыўна-прыкладнога мастацтва. Менавіта ў Слуцку з'явіўся магнацкі тэатр - адзін з першых прафесійных тэатраў Беларусі. Слуцк - кніжны горад. "Яшчэ ў XV стагоддзі ў Троіцкім манастыры вяліся летапісы, існавала школы перапісчыкаў кніг, бібліятэка, іканапісная майстэрня. Слуцкае Евангелле 1581 года - адна з нацыянальных духоўных святынь беларускага народа, - адзначыла яна. - Случчане ганарацца адной з найстарэйшых навучальных устаноў Беларусі - школай, заснаванай Янушам Радзівілам у 1617 годзе. Ужо ў XVII стагоддзі кальвінісцкая навучальная ўстанова атрымала вядомасць і прызнанне далёка за межамі Беларусі як слуцкія Афіны. У наш час гэта навучальная ўстанова вядома як гімназія нумар 1 Слуцка, яе гісторыя налічвае чатыры стагоддзі. А дасягненні гімназістаў становяцца прадметам гонару землякоў. І гэта толькі частка гісторыі і культуры горада, якую паспяхова дапаўняюць і развіваюць нашы сучаснікі".

Валянціна Ражанец падкрэсліла, што ў Слуцку гарманічна перапляліся традыцыі і сучаснасць. Парламентарый выказала ўпэўненасць, што Слуцк творча рэалізуе праект культурнай сталіцы і напоўніць летапіс новымі дасягненнямі.

Як паведамлялася, 23 сакавіка на пасяджэнні калегіі Міністэрства культуры выбіралі культурную сталіцу Беларусі 2023 года. На гэта званне прэтэндавалі шэсць гарадоў: Баранавічы Брэсцкай вобласці, Мазыр Гомельскай вобласці, Свіслач і Шчучын Гродзенскай вобласці, Слуцк Мінскай вобласці і Бялынічы Магілёўскай вобласці. Гарады прэзентавалі свае магчымасці, прычым некаторыя рэгіёны прыехалі ў Мінск са сваімі канцэртнымі нумарамі. Па выніках галасавання членаў калегіі міністэрства культурнай сталіцай Беларусі ў 2023 годзе стане Слуцк.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі