6 лістапада, Мінск /Кар. БЕЛТА/. Лепшы фільм Мінскага міжнароднага кінафестывалю "Лістапад" ужо выбраны, а ўзнагароды журы размеркавала. Аб гэтым журналістам на майстар-класе ў Беларускай дзяржаўнай акадэміі мастацтваў расказаў расійскі кінарэжысёр Карэн Шахназараў, перадае карэспандэнт БЕЛТА.
"Ужо бачыў лепшы фільм фестывалю. Усе ўзнагароды размеркавалі. Сярод журы спрэчак не было, выбралі пераможцаў аднагалосна, прыйшлі да адзінага меркавання. Добрае кіно - рэдкасць, але тут, на мой погляд, былі цікавыя карціны. Мы іх адзначылі", - падзяліўся рэжысёр.
Карэн Шахназараў у апошнія гады адмаўляецца ад удзелу ў розных мерапрыемствах у журы, але "Лістапад" стаў выключэннем. "Тут на сеансах былі поўныя залы. Гэта сведчыць аб тым, што фестываль патрэбны і людзі яго любяць", - падкрэсліў рэжысёр. Ён таксама расказаў: "У савецкі час у нас была дастаткова вялікая ўвага да моладзі. У той час кожны год было 30-40 рэжысёраў, амаль кожны студэнт МДІК меў магчымасць выпусціць сваю карціну. Сёння ў кіно ёсць вялікая патрэбнасць асабліва ў серыялах, а рэжысёраў не так шмат. З-за гэтага часам дрэнная якасць кінапрадукту. Работы ў сучаснага пакалення шмат".
Мінскі міжнародны кінафестываль "Лістапад" завершыцца 7 лістапада.-0-
Падпісвайцеся на нас у
