ДЗЯРЖОРГАНЫДЗЯРЖОРГАНЫ
Флаг Нядзеля, 27 лістапада 2022
Мінск -2°C
Усе навіны
Усе навіны
Культура
07 кастрычніка 2022, 15:43

Член журы "Еўразія.DOC": у праграму фестывалю трапляюць толькі фільмы, трывала звязаныя з рэальнасцю

Уладзімір Мамантаў. Фота з архіва
Уладзімір Мамантаў. Фота з архіва

7 кастрычніка, Мінск /Кар. БЕЛТА/. Член журы фестывалю дакументальнага кіно краін СНД "Еўразія.DOC", старшыня расійска-беларускай арганізацыі журналістаў і блогераў "Друзья - Сябры" Уладзімір Мамантаў назваў трывалую сувязь з рэальнасцю адным з асноўных крытэрыяў, па якіх фільмы адбіраюцца ў праграму фестывалю.

"Час цяпер няпросты, таму дакументалісты і тэлевізіёншчыкі абапіраюцца на бягучую сітуацыю і здымаюць кіно на злобу дня. Яны стараюцца выказацца па найбольш вострых і важных пытаннях сучаснасці. Вядома, калі ў нас і палітычнае, і грамадскае, і маральнае жыццё знаходзіцца на высокім градусе, мы гэта ўсё бачым у фільмах. Арганізатары і журы "Еўразія.DOC" вітаюць фармат і глыбокіх разваг, і рэпартажаў - абмежаванняў няма. Але каб фільм трапіў у праграму фестывалю, ён павінен мець трывалыя сувязі з рэальным жыццём, праўдзіва яго паказваць", - падкрэсліў Уладзімір Мамантаў.

Ён таксама адзначыў, што па работах удзельнікаў з Беларусі, Расіі і іншых краін былога Савецкага Саюза відаць, што іх аб'ядноўвае адзіная цывілізацыйная прастора, сфарміраваная стагоддзямі сумеснага гістарычнага пражывання. "Агульнае культурнае поле, безумоўна, існуе і будзе існаваць далей. Фестываль "Еўразія.DOC" працуе над тым, каб яно захоўвалася, пашыралася і мадэрнізавалася. Ні ў якім выпадку не камянела. Ёсць жадаючыя гэта поле адмяніць, сказаць, што наша агульная цывілізацыйная прастора, - толькі мінулае і не болей. Але калі мастак да работы ставіцца сумленна, ён не можа не заўважыць, што гэтыя культурнае і цывілізацыйнае палі прадаўжаюць існаваць і шмат што вызначаць. Мы бачым, як людзі мастацтва лёгка знаходзяць агульную мову, хоць яны жывуць ужо на постсавецкай прасторы па факце ў розных краінах. Гэта еўразійскае магнітнае поле, якое ў тым ліку і фестываль "Еўразія.DOC" стараецца падтрымліваць. Гэта агульная культурная, інфармацыйная і творчая прастора, гістарычна найбольш арганічнае асяроддзе для развіцця і росту дабрабыту кожнага з народаў без урону адзін для аднаго", - лічыць член журы фестывалю.

Фестываль дакументальнага кіно краін СНД "Еўразія.DOC" стартаваў у Смаленску 3 кастрычніка. Традыцыйна эстафету фестывальных падзей прымае і беларуская сталіца. У Мінску пляцоўкі яго правядзення - Нацыянальны прэс-цэнтр, кінатэатр "Беларусь" і Беларускі дзяржаўны музей гісторыі Вялікай Айчыннай вайны.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі