Руслан Чарнецкі
17 красавіка, Мінск /Кар. БЕЛТА/. Мастацкі фільм "Каруза" рэжысёра-пастаноўшчыка Івана Харацьяна атрымаўся вельмі добрым і чыстым. Такім меркаваннем з гледачамі падзяліўся міністр культуры Руслан Чарнецкі на паказе кіно ў кінатэатры "Перамога", перадае карэспандэнт БЕЛТА.
"Калі маю гонар прысутнічаць на прэм'ерах такіх фільмаў, у мяне сэрца радуецца. Нягледзячы на тое што гэты фільм пра вельмі цяжкі час, вельмі смелых людзей, подзвігі, гэта вельмі добрае і чыстае кіно", - сказаў Руслан Чарнецкі.
Паводле яго слоў, на той страшнай вайне, якая прайшла па беларускай зямлі 80 гадоў таму, героямі былі не толькі людзі. "Героямі былі і такія цудоўныя жывёлы, як сабакі ў тым ліку. Гэта сведчыць аб тым, што сама прырода бачыла, адчувала і разумела, што ад таго кашмару, які прыйшоў на нашы землі, нам трэба дапамагчы выратавацца. Гэты фільм якраз аб гэтым", - сказаў міністр, дадаўшы, што такіх добрых, цёплых, душэўных фільмаў павінна быць больш.
Старшыня Беларускага саюза кінематаграфістаў Яўген Арандарэвіч у каментарыі журналістам адзначыў, што прэм'ера гэтага фільма - знакавая падзея для дзвюх краін - Беларусі і Расіі. "Мы першымі беларускаму гледачу паказваем карціну нашага дэбютанта ("Каруза" - дэбютная работа юнага рэжысёра Івана Харацьяна. - Заўвага БЕЛТА). Фільм пра вайну, але не паказвае актыўных баявых дзеянняў", - сказаў ён.
Яўген Арандарэвіч лічыць важным тое, што фільм знялі на беларускай зямлі, беларускія кінематаграфісты пры ўдзеле расійскага рэжысёра. "Мы даём магчымасць маладым талентам раскрываць свае здольнасці тут, на беларускай зямлі, - сказаў ён. - Беларускія кінематаграфісты могуць рабіць фільмы любога ўзроўню складанасці. У Беларусі для гэтага створаны ўсе ўмовы. Мы можам праз наш кінаэкран узаемадзейнічаць з гледачом, дастукацца да яго сэрца і рабіць сапраўды помнікі, увасобленыя ў сродках кінематаграфіі".-0-
"Калі маю гонар прысутнічаць на прэм'ерах такіх фільмаў, у мяне сэрца радуецца. Нягледзячы на тое што гэты фільм пра вельмі цяжкі час, вельмі смелых людзей, подзвігі, гэта вельмі добрае і чыстае кіно", - сказаў Руслан Чарнецкі.
Паводле яго слоў, на той страшнай вайне, якая прайшла па беларускай зямлі 80 гадоў таму, героямі былі не толькі людзі. "Героямі былі і такія цудоўныя жывёлы, як сабакі ў тым ліку. Гэта сведчыць аб тым, што сама прырода бачыла, адчувала і разумела, што ад таго кашмару, які прыйшоў на нашы землі, нам трэба дапамагчы выратавацца. Гэты фільм якраз аб гэтым", - сказаў міністр, дадаўшы, што такіх добрых, цёплых, душэўных фільмаў павінна быць больш.
Старшыня Беларускага саюза кінематаграфістаў Яўген Арандарэвіч у каментарыі журналістам адзначыў, што прэм'ера гэтага фільма - знакавая падзея для дзвюх краін - Беларусі і Расіі. "Мы першымі беларускаму гледачу паказваем карціну нашага дэбютанта ("Каруза" - дэбютная работа юнага рэжысёра Івана Харацьяна. - Заўвага БЕЛТА). Фільм пра вайну, але не паказвае актыўных баявых дзеянняў", - сказаў ён.
Яўген Арандарэвіч лічыць важным тое, што фільм знялі на беларускай зямлі, беларускія кінематаграфісты пры ўдзеле расійскага рэжысёра. "Мы даём магчымасць маладым талентам раскрываць свае здольнасці тут, на беларускай зямлі, - сказаў ён. - Беларускія кінематаграфісты могуць рабіць фільмы любога ўзроўню складанасці. У Беларусі для гэтага створаны ўсе ўмовы. Мы можам праз наш кінаэкран узаемадзейнічаць з гледачом, дастукацца да яго сэрца і рабіць сапраўды помнікі, увасобленыя ў сродках кінематаграфіі".-0-
Падпісвайцеся на нас у
