Руслан Чарнецкі
5 снежня, Мінск /Кар. БЕЛТА/. Мы абавязаны захаваць спадчыну Якуба Коласа для нашых дзяцей. Такой думкай падзяліўся міністр культуры Руслан Чарнецкі на ўрачыстым вечары ў Інстытуце гісторыі Нацыянальнай акадэміі навук, прысвечаным юбілею Дзяржаўнага літаратурна-мемарыяльнага музея Якуба Коласа, перадае карэспандэнт БЕЛТА.
"У гэтай зале мяне наведала пачуццё ўдзячнасці. Я разумею, наколькі беражліва служыцелі гэтага цудоўнага музея-юбіляра 65 гадоў захоўваюць тыя найвялікшыя радкі, словы і думкі, якія нам пакінуў вялікі класік беларускай літаратуры. Цяпер мы абавязаны захаваць яго спадчыну для нашых дзяцей, таму што тую прыгажосць, якую пакінуў пасля сябе гэты вялікі чалавек, трэба ведаць, цытаваць і расказваць пра яе сваім дзецям, унукам і праўнукам", - сказаў Руслан Чарнецкі.
Дырэктар Інстытута літаратуразнаўства імя Янкі Купалы, доктар філалагічных навук, прафесар Іван Саверчанка адзначыў, што Якуб Колас быў увасабленнем мудрасці і гуманізму, а яго твор "Сымон-музыка" - шэдэўр нацыянальнай і славянскай літаратуры.
Дзяржаўны літаратурна-мемарыяльны музей Якуба Коласа расчыніў свае дзверы для першых наведвальнікаў 65 гадоў таму - 4 снежня 1959 года. Ён размешчаны ў будынку, дзе жыў з сям'ёй і працаваў народны паэт Беларусі Якуб Колас з канца 1944-га па дзень смерці 13 жніўня 1956 года. Двухпавярховы дом і прылеглы да яго сад, дзе захаваліся дрэвы, пасаджаныя песняром, размешчаны на тэрыторыі Акадэміі навук Беларусі.
"У гэтай зале мяне наведала пачуццё ўдзячнасці. Я разумею, наколькі беражліва служыцелі гэтага цудоўнага музея-юбіляра 65 гадоў захоўваюць тыя найвялікшыя радкі, словы і думкі, якія нам пакінуў вялікі класік беларускай літаратуры. Цяпер мы абавязаны захаваць яго спадчыну для нашых дзяцей, таму што тую прыгажосць, якую пакінуў пасля сябе гэты вялікі чалавек, трэба ведаць, цытаваць і расказваць пра яе сваім дзецям, унукам і праўнукам", - сказаў Руслан Чарнецкі.
На яго думку, каб адчуць увесь маштаб асобы Якуба Коласа, трэба звярнуць увагу на тое, колькі гадоў аб ім памятаюць пасля смерці і наколькі беражліва захоўваюць памяць аб ім. Міністр падкрэсліў, што Якуб Колас уклаў у беларускую літаратуру ўсё сваё жыццё і душу, таму і памяць аб ім будзе жыць вечна. Руслан Чарнецкі дадаў, што нам трэба вывучаць, як у класікаў атрымалася так прыгожа выказваць свае думкі, славіць наш край, зямлю і людзей, якія жылі з імі побач.
"У нашым інстытуце мы выдалі поўны зборнік твораў Якуба Коласа. Гэта значыць, што мы зрабілі яго даступным для ўсіх людзей, асабліва для моладзі. Спадчына Коласа неўміручая, яна будзе служыць і нашаму адзінству", - дадаў Іван Саверчанка.
Перад урачыстым мерапрыемствам госці свята змаглі прыняць удзел у экскурсіі па мемарыяльнай экспазіцыі музея і часовай экспазіцыі "Заступнік бацькавай спадчыны" да 110-годдзя з дня нараджэння Данілы Міцкевіча, першага дырэктара музея. Таксама на тэрыторыі музея былі адкрыты арт-аб'екты - лаўкі-пазлы, на якіх паказаны ілюстрацыі да твораў "Сымон-музыка", "Новая зямля" і інскрыпт Якуба Коласа.-0-
Падпісвайцеся на нас у
