Руслан Чарнецкі
30 мая, Мінск /Кар. БЕЛТА/. Рэспубліканскі тэатральны фестываль "Перамога" - магчымасць гаварыць пра подзвіг Вялікай Перамогі на ўвесь свет. Такой думкай падзяліўся з журналістамі міністр культуры Руслан Чарнецкі на закрыцці фестывалю, перадае карэспандэнт БЕЛТА.
"Рэспубліканскі тэатральны фестываль "Перамога" - выдатнае мерапрыемства, прысвечанае подзвігу нашага народа ў Вялікай Айчыннай вайне. Напэўна, адно з важнейшых мерапрыемстваў тэатральнай сферы, паколькі яно дае магчымасць гаварыць пра гэты подзвіг на ўвесь свет. Фестываль ужо з гэтага сезона выходзіць за рамкі рэспубліканскага і становіцца міжнародным", - сказаў Руслан Чарнецкі.
На яго думку, дзякуючы ўдзелу Расіі і Кітая ён набірае абароты і становіцца ўжо не рэспубліканскім, а міжнародным. "Вялікі дзякуй, што нашы самыя блізкія сябры і браты прыехалі нас падтрымаць у гэтым фестывалі, таму як гэта ўсё ж такі наша агульная перамога", - адзначыў міністр.
Ён падзякаваў арганізатарам фестывалю і тэатральным трупам, якія прадставілі свае выдатныя спектаклі. "На жаль, мне не ўдалося трапіць на фестываль. Але многія спектаклі я бачыў да фестывалю, а адзін ведаю на памяць. Гэта сапраўды вельмі цікавыя работы. Я спадзяюся, яны знойдуць свае заслужаныя прызы", - дадаў Руслан Чарнецкі. Ён пажадаў фестывалю станавіцца яшчэ больш маштабным і адкрываць новыя імёны і краіны.
Трэці рэспубліканскі тэатральны фестываль "Перамога" праходзіў у Мінску з 12 па 29 мая. У конкурснай праграме прадставілі 11 спектакляў з Брэста, Віцебска, Гомеля, Гродна, Мінска і Маладзечна. Гледачы ўбачылі глыбокія, кранальныя і відовішчныя пастаноўкі ваенна-патрыятычнай тэматыкі цяперашняга і мінулых тэатральных сезонаў.
Упершыню ў ім па-за конкурсам прынялі ўдзел госці з Нацыянальнага драматычнага тэатра Расіі (Александрынскага тэатра) з Санкт-Пецярбурга з дакументальным монаспектаклем "Блакадны дзённік Александрынкі". Упершыню гледачы ўбачылі спектакль "А зоры тут ціхія" на кітайскай мове. Яго прадставілі кітайскія студэнты магістратуры БДАМ.-0-
"Рэспубліканскі тэатральны фестываль "Перамога" - выдатнае мерапрыемства, прысвечанае подзвігу нашага народа ў Вялікай Айчыннай вайне. Напэўна, адно з важнейшых мерапрыемстваў тэатральнай сферы, паколькі яно дае магчымасць гаварыць пра гэты подзвіг на ўвесь свет. Фестываль ужо з гэтага сезона выходзіць за рамкі рэспубліканскага і становіцца міжнародным", - сказаў Руслан Чарнецкі.
На яго думку, дзякуючы ўдзелу Расіі і Кітая ён набірае абароты і становіцца ўжо не рэспубліканскім, а міжнародным. "Вялікі дзякуй, што нашы самыя блізкія сябры і браты прыехалі нас падтрымаць у гэтым фестывалі, таму як гэта ўсё ж такі наша агульная перамога", - адзначыў міністр.
Ён падзякаваў арганізатарам фестывалю і тэатральным трупам, якія прадставілі свае выдатныя спектаклі. "На жаль, мне не ўдалося трапіць на фестываль. Але многія спектаклі я бачыў да фестывалю, а адзін ведаю на памяць. Гэта сапраўды вельмі цікавыя работы. Я спадзяюся, яны знойдуць свае заслужаныя прызы", - дадаў Руслан Чарнецкі. Ён пажадаў фестывалю станавіцца яшчэ больш маштабным і адкрываць новыя імёны і краіны.
Трэці рэспубліканскі тэатральны фестываль "Перамога" праходзіў у Мінску з 12 па 29 мая. У конкурснай праграме прадставілі 11 спектакляў з Брэста, Віцебска, Гомеля, Гродна, Мінска і Маладзечна. Гледачы ўбачылі глыбокія, кранальныя і відовішчныя пастаноўкі ваенна-патрыятычнай тэматыкі цяперашняга і мінулых тэатральных сезонаў.
Упершыню ў ім па-за конкурсам прынялі ўдзел госці з Нацыянальнага драматычнага тэатра Расіі (Александрынскага тэатра) з Санкт-Пецярбурга з дакументальным монаспектаклем "Блакадны дзённік Александрынкі". Упершыню гледачы ўбачылі спектакль "А зоры тут ціхія" на кітайскай мове. Яго прадставілі кітайскія студэнты магістратуры БДАМ.-0-
Падпісвайцеся на нас у
