Фота з архіва
27 мая, Мінск /Кар. БЕЛТА/. Больш за 800 твораў жывапісу захоўваецца ў мастацкіх калекцыях Гродзенскага дзяржаўнага гісторыка-археалагічнага музея. Аб гэтым у час прэс-канферэнцыі "Духоўнасць нацыі ў мастацтве. Спадчына і новыя праекты мастакоў Гродзенскага рэгіёна" паведаміла загадчыца мастацкага аддзела музея Алена Русачак, перадае карэспандэнт БЕЛТА.
Паводле яе слоў, мастацкае жыццё Гродзеншчыны непарыўна звязана з найбагацейшай гістарычнай спадчынай вобласці. Замкі, архітэктурныя помнікі, дух старажытнага горада - усё гэта фарміруе асаблівую прастору натхнення. "Гэта не можа не пакінуць след у той тонкай натуры творчых людзей, якія нарадзіліся ў Гродне або сфарміраваліся тут як творчыя асобы. Усё гэта, праходзячы праз іх свядомасць, выліваецца ў своеасаблівыя вобразы, і менавіта гэта аб'ядноўвае нашых мастакоў", - адзначыла яна.
Русачак падкрэсліла значнасць пераемнасці пакаленняў і развіццё гродзенскай мастацкай школы. Гродзенскі гісторыка-археалагічны музей, паводле яе слоў, беражліва захоўвае калекцыі майстроў мінулага і прадаўжае папаўняць фонды. "Мы і дагэтуль папаўняем калекцыі творамі мастакоў, чые імёны сталі часткай нашай гісторыі. Напрыклад, адна з работ Міхаіла Плужніка была ўратавана рэстаўратарамі і ўпершыню паказана гледачам", - расказала загадчыца мастацкага аддзела музея.
Гаворачы пра сучасныя тэндэнцыі, яна адзначыла, што ў творчае асяроддзе рэгіёна ўліваюцца новыя імёны, у тым ліку выпускнікі Гродзенскага дзяржаўнага ўніверсітэта імя Янкі Купалы.
"Гэта сведчанне ўзроўню падрыхтоўкі і патэнцыялу маладых аўтараў. Вельмі радуе, што яны папаўняюць рады абласной арганізацыі Беларускага саюза мастакоў", - падкрэсліла Алена Русачак.
Асаблівую ролю ў мастацкім жыцці рэгіёна адыгрывае дзейнасць гісторыка-археалагічнага музея. "Дзве асноўныя задачы музея - захоўваць і папулярызаваць, і з гэтым мы паспяхова спраўляемся. У нашых фондах мастацкіх калекцый больш за 800 адзінак жывапісу, у тым ліку творы беларускіх мастакоў 1940-1980-х гадоў, а таксама сучасных жывапісцаў, графікаў, скульптараў", - расказала загадчыца мастацкага аддзела музея.
Вялікая ўвага ўдзяляецца таксама аўтарскаму шклу - у калекцыі музея прадстаўлена мноства ўнікальных твораў, у тым ліку кампазіцыі, створаныя на шклозаводзе "Нёман".
Акрамя захоўвання фондаў, музей актыўна вядзе выставачную дзейнасць. "У нас ёсць дзве выдатныя пляцоўкі - сенатарская зала і авальная зала ў Новым замку. А ў Старым замку ў другой чарзе, калі яна будзе завершана і адкрыецца палацавая частка замкавага комплексу, прадугледжана адкрыццё яшчэ адной выставачнай залы. Гэта будзе прастора з гістарычным зандзіраваннем на сценах, дзе відаць муроўка розных стагоддзяў", - падзялілася планамі Алена Русачак.
Сенатарская зала, паводле яе слоў, стала буйнейшай і самай значнай пляцоўкай у вобласці. "Мастакі адчуваюць адказнасць, калі выстаўляюцца тут, але заўсёды атрымліваецца цікавы вынік - сінтэз гісторыі і сучаснага мастацтва. Некаторыя раскрываюцца з новага боку", - адзначыла яна.-0-
Паводле яе слоў, мастацкае жыццё Гродзеншчыны непарыўна звязана з найбагацейшай гістарычнай спадчынай вобласці. Замкі, архітэктурныя помнікі, дух старажытнага горада - усё гэта фарміруе асаблівую прастору натхнення. "Гэта не можа не пакінуць след у той тонкай натуры творчых людзей, якія нарадзіліся ў Гродне або сфарміраваліся тут як творчыя асобы. Усё гэта, праходзячы праз іх свядомасць, выліваецца ў своеасаблівыя вобразы, і менавіта гэта аб'ядноўвае нашых мастакоў", - адзначыла яна.
Русачак падкрэсліла значнасць пераемнасці пакаленняў і развіццё гродзенскай мастацкай школы. Гродзенскі гісторыка-археалагічны музей, паводле яе слоў, беражліва захоўвае калекцыі майстроў мінулага і прадаўжае папаўняць фонды. "Мы і дагэтуль папаўняем калекцыі творамі мастакоў, чые імёны сталі часткай нашай гісторыі. Напрыклад, адна з работ Міхаіла Плужніка была ўратавана рэстаўратарамі і ўпершыню паказана гледачам", - расказала загадчыца мастацкага аддзела музея.
Гаворачы пра сучасныя тэндэнцыі, яна адзначыла, што ў творчае асяроддзе рэгіёна ўліваюцца новыя імёны, у тым ліку выпускнікі Гродзенскага дзяржаўнага ўніверсітэта імя Янкі Купалы.
"Гэта сведчанне ўзроўню падрыхтоўкі і патэнцыялу маладых аўтараў. Вельмі радуе, што яны папаўняюць рады абласной арганізацыі Беларускага саюза мастакоў", - падкрэсліла Алена Русачак.
Асаблівую ролю ў мастацкім жыцці рэгіёна адыгрывае дзейнасць гісторыка-археалагічнага музея. "Дзве асноўныя задачы музея - захоўваць і папулярызаваць, і з гэтым мы паспяхова спраўляемся. У нашых фондах мастацкіх калекцый больш за 800 адзінак жывапісу, у тым ліку творы беларускіх мастакоў 1940-1980-х гадоў, а таксама сучасных жывапісцаў, графікаў, скульптараў", - расказала загадчыца мастацкага аддзела музея.
Вялікая ўвага ўдзяляецца таксама аўтарскаму шклу - у калекцыі музея прадстаўлена мноства ўнікальных твораў, у тым ліку кампазіцыі, створаныя на шклозаводзе "Нёман".
Акрамя захоўвання фондаў, музей актыўна вядзе выставачную дзейнасць. "У нас ёсць дзве выдатныя пляцоўкі - сенатарская зала і авальная зала ў Новым замку. А ў Старым замку ў другой чарзе, калі яна будзе завершана і адкрыецца палацавая частка замкавага комплексу, прадугледжана адкрыццё яшчэ адной выставачнай залы. Гэта будзе прастора з гістарычным зандзіраваннем на сценах, дзе відаць муроўка розных стагоддзяў", - падзялілася планамі Алена Русачак.
Сенатарская зала, паводле яе слоў, стала буйнейшай і самай значнай пляцоўкай у вобласці. "Мастакі адчуваюць адказнасць, калі выстаўляюцца тут, але заўсёды атрымліваецца цікавы вынік - сінтэз гісторыі і сучаснага мастацтва. Некаторыя раскрываюцца з новага боку", - адзначыла яна.-0-
Падпісвайцеся на нас у
