6 лістапада, Мінск /Кар. БЕЛТА/. Конкурс "Творчасць без межаў" Нацыянальнага цэнтра мастацкай творчасці дзяцей і моладзі аб'яднаў больш за 6,5 тыс. таленавітых дзяцей і падлеткаў з усіх рэгіёнаў Беларусі і замежжа. Аб гэтым карэспандэнту БЕЛТА расказала мастацкі кіраўнік цэнтра Надзея Коршунава.
"У адборачных этапах прынялі ўдзел 417 творчых калектываў і індывідуальных выканаўцаў - гэта больш за 6,5 тыс. навучэнцаў з усіх рэгіёнаў Беларусі. Далучыліся і ўдзельнікі з Азербайджана, Казахстана і рэгіёнаў Расіі. У фінал выйшлі 203 калектывы і выканаўцы. А за дні фіналу конкурсу цэнтр сабраў больш за 2 тыс. таленавітых дзяцей і падлеткаў", - падзялілася Надзея Коршунава.
Конкурс праходзіць 11-ы раз і складаецца з дзвюх частак, першая з якіх праходзіць у дні асенніх канікулаў. "Пачынаецца ўсё яшчэ ў ліпені, менавіта тады мы пачынаем прымаць заяўкі. У лістападзе, у дні школьных асенніх канікулаў, мы збіраем прызёраў і пераможцаў адборачных этапаў на фінальныя мерапрыемствы аднаго тура ў харэаграфіі, вакале і інструментальным жанры", - растлумачыла яна.
Адкрыццё, якое прайшло 3 лістапада, сабрала прадстаўнікоў усіх рэгіёнаў Беларусі і замежных гасцей.
"Гэта была вялікая творчая інтэрнацыянальная сюіта, кожны прадставіў сваю нацыянальную культуру. Адбыўся прагляд у намінацыях "народна-сцэнічны танец" і "народна-стылізаваны танец". 4 лістапада журы ацэньвала выступленні ў катэгорыях "сучасная харэаграфія" і "эстрадная харэаграфія". Учора быў дзень, калі ўсе вакалісты змагаліся за званне прызёра конкурсу, а сёння выступалі ўдзельнікі ў інструментальным жанры", - расказала Надзея Коршунава.
Паводле слоў мастацкага кіраўніка цэнтра, кожны год колькасць заявак расце, а разам з імі і ўзровень выканальніцкага майстэрства, сцэнічнай культуры. Журы сёлета адзначыла якасныя касцюмы. "Яны сталі больш яркімі, добра раскрываюць тэматыку нумара. Асабліва адзначыла журы касцюмы ў харэаграфічных выступленнях. Ад касцюма вельмі залежыць уражанне ад танца", - адзначыла яна.
Акрамя конкурсных мерапрыемстваў праходзілі і фестывальныя: творчыя сустрэчы з замежнымі і беларускімі калектывамі, этнадыскатэка. Удзельнікі вучыліся танцаваць беларускія фальклорныя і бытавыя танцы, вывучылі народныя песні. Замежныя ўдзельнікі прадэманстравалі свае асаблівасці нацыянальных культур. "Адбыўся абмен вопытам і трансляцыя нашай культуры, дзякуючы чаму станоўчы імідж краіны фарміруецца за межамі Беларусі", - лічыць мастацкі кіраўнік цэнтра.-0-
"У адборачных этапах прынялі ўдзел 417 творчых калектываў і індывідуальных выканаўцаў - гэта больш за 6,5 тыс. навучэнцаў з усіх рэгіёнаў Беларусі. Далучыліся і ўдзельнікі з Азербайджана, Казахстана і рэгіёнаў Расіі. У фінал выйшлі 203 калектывы і выканаўцы. А за дні фіналу конкурсу цэнтр сабраў больш за 2 тыс. таленавітых дзяцей і падлеткаў", - падзялілася Надзея Коршунава.
Конкурс праходзіць 11-ы раз і складаецца з дзвюх частак, першая з якіх праходзіць у дні асенніх канікулаў. "Пачынаецца ўсё яшчэ ў ліпені, менавіта тады мы пачынаем прымаць заяўкі. У лістападзе, у дні школьных асенніх канікулаў, мы збіраем прызёраў і пераможцаў адборачных этапаў на фінальныя мерапрыемствы аднаго тура ў харэаграфіі, вакале і інструментальным жанры", - растлумачыла яна.
Адкрыццё, якое прайшло 3 лістапада, сабрала прадстаўнікоў усіх рэгіёнаў Беларусі і замежных гасцей.
"Гэта была вялікая творчая інтэрнацыянальная сюіта, кожны прадставіў сваю нацыянальную культуру. Адбыўся прагляд у намінацыях "народна-сцэнічны танец" і "народна-стылізаваны танец". 4 лістапада журы ацэньвала выступленні ў катэгорыях "сучасная харэаграфія" і "эстрадная харэаграфія". Учора быў дзень, калі ўсе вакалісты змагаліся за званне прызёра конкурсу, а сёння выступалі ўдзельнікі ў інструментальным жанры", - расказала Надзея Коршунава.
Паводле слоў мастацкага кіраўніка цэнтра, кожны год колькасць заявак расце, а разам з імі і ўзровень выканальніцкага майстэрства, сцэнічнай культуры. Журы сёлета адзначыла якасныя касцюмы. "Яны сталі больш яркімі, добра раскрываюць тэматыку нумара. Асабліва адзначыла журы касцюмы ў харэаграфічных выступленнях. Ад касцюма вельмі залежыць уражанне ад танца", - адзначыла яна.
Акрамя конкурсных мерапрыемстваў праходзілі і фестывальныя: творчыя сустрэчы з замежнымі і беларускімі калектывамі, этнадыскатэка. Удзельнікі вучыліся танцаваць беларускія фальклорныя і бытавыя танцы, вывучылі народныя песні. Замежныя ўдзельнікі прадэманстравалі свае асаблівасці нацыянальных культур. "Адбыўся абмен вопытам і трансляцыя нашай культуры, дзякуючы чаму станоўчы імідж краіны фарміруецца за межамі Беларусі", - лічыць мастацкі кіраўнік цэнтра.-0-
Падпісвайцеся на нас у
