9 лютага, Мінск /Кар. БЕЛТА/. У Мінскім сувораўскім вучылішчы ў гэтыя мінуты праходзіць заключны канцэрт 27-га тэлевізійнага фестывалю армейскай песні "Зорка", паведамілі БЕЛТА ў Міністэрстве абароны.
Больш за 50 выканаўцаў прадстаўляюць свае нумары, лепшыя з іх атрымаюць права выйсці ў фінал і выступіць на гала-канцэрце. У конкурсе - чатыры намінацыі: "Выканаўцы армейскай песні", "Аўтары-выканаўцы", "Выканаўцы ваенна-патрыятычнай песні", "Вакальныя групы і ансамблі".
Журы ўзначальвае першы намеснік начальніка галоўнага ўпраўлення - начальнік упраўлення маральна-псіхалагічнага забеспячэння галоўнага ўпраўлення ідэалагічнай работы Міністэрства абароны Алег Копыл.-0-