Сцяг Чацвер, 28 сакавіка 2024
Усе навіны
Усе навіны
Культура
05 кастрычніка 2021, 12:10

"Без тэрміну даўнасці": дакументы Нюрнбергскага працэсу і прадметы з нацысцкіх канцлагераў прадставяць у музеі ВАВ

5 кастрычніка, Мінск /Кар. БЕЛТА/. Часовая экспазіцыя "Нюрнбергскі набат. Без тэрміну даўнасці" адкрыецца 6 кастрычніка ў Беларускім дзяржаўным музеі гісторыі Вялікай Айчыннай вайны, паведамілі БЕЛТА ў музеі.

На выставе прадставяць больш за 200 унікальных экспанатаў, большасць з якіх дэманструюцца ў Беларусі ўпершыню. Сярод іх сапраўдныя дакументы і прадметы, звязаныя з падрыхтоўкай і ходам Нюрнбергскага працэсу.

"У экспазіцыі ёсць рэчы, якія належалі члену Міжнароднага ваеннага трыбунала ў Нюрнбергу Іану Нікітчанку і галоўнаму абвінаваўцу ад Савецкага Саюза Рамана Рудэнку, - расказалі арганізатары выставы. - У праекце таксама прадстаўлены замалёўкі, зробленыя ў ходзе судовага працэсу ўдзельнікамі знакамітай савецкай групы мастакоў-графікаў і жывапісцаў "Кукрыніксы". Акрамя таго, дэманструюцца рэліквіі, якія адлюстроўваюць жахлівую штодзённасць нацысцкіх канцлагераў: рэчы дзяцей-вязняў канцлагера Майданек, якія выклікаюць шчымлівае пачуццё спагады і болю, тканіна, вырабленая з выкарыстаннем валасоў жанчын, забітых нацыстамі ў Асвенціме, а таксама графічныя работы, выкананыя былымі вязнямі".

Матэрыялы для выставачнага праекта прадастаўлены Дзяржаўным цэнтральным музеем сучаснай гісторыі Расіі, Расійскім дзяржаўным архівам сацыяльна-палітычнай гісторыі, Архівам знешняй палітыкі Расійскай Федэрацыі і Галерэяй Мамантава. У адкрыцці выставы прымуць удзел унук галоўнага абвінаваўцы на Нюрнбергскім працэсе Рамана Рудэнкі Міхаіл Амірджанаў і кіраўнік праекта, аўтар сцэнарнай экспазіцыі, пісьменнік і гісторык Аляксандр Звягінцаў.

Галоўны судовы працэс ХХ стагоддзя пачаўся 20 лістапада 1945 года і закончыўся 1 кастрычніка 1946 года. Да сённяшняга дня Міжнародны ваенны трыбунал у Нюрнбергу застаецца буйнейшым прававым дзеяннем прадстаўнікоў розных краін і ідэалогій, якія аб'ядналіся для суда над нацызмам. Перад трыбуналам паўсталі 24 абвінавачаныя, якія ўваходзілі ў вышэйшае кіраўніцтва нацысцкай Германіі. Усе 403 пасяджэнні суда былі адкрытыя. Яго работу шырока асвятляла сусветная прэса, вялася прамая радыётрансляцыя. З прызнаных вінаватымі ў цяжкіх злачынствах супраць міру і чалавечнасці 12 падсудных былі прыгавораны да смяротнага пакарання. Астатнім трэба было адбыць пажыццёвае зняволенне або доўгія тэрміны ў турме.

Работа экспазіцыі прадоўжыцца да 7 лістапада.-0-

Падпісвайцеся на нас у
Twitter
Топ-навіны
Свежыя навіны Беларусі