Сцяг Панядзелак, 22 красавіка 2024
Усе навіны
Усе навіны
Культура
23 снежня 2022, 10:14

Белтэлерадыёкампанія арганізуе трансляцыі каляднай імшы

23 снежня, Мінск /Кар. БЕЛТА/. Да свята Нараджэння Хрыстовага па календары каталіцкай канфесіі ў эфіры тэлеканалаў медыяхолдынга 24 і 25 снежня пройдуць трансляцыі ўрачыстых богаслужэнняў з Магілёва і Ватыкана. Аб гэтым БЕЛТА паведамілі ў прэс-службе Белтэлерадыёкампаніі.

У калядную куццю канал "Беларусь 1" запрашае вернікаў да экранаў: 24 снежня ў 21.45 пачнецца прамая трансляцыя службы з касцёла Успення Прасвятой Багародзіцы ў Магілёве. Узначаліць святочную імшу вікарны біскуп Магілёўскага раёна Аляксандр Яшэўскі. Адразу пасля ў 23.30 тэлеканал пакажа калядную імшу з Ватыкана з удзелам Папы Рымскага Францыска.

Святочнай раніцай у 7.25 на "Беларусь 1" са Словам на Нараджэнне Хрыстова да вернікаў звернецца кіраўнік Рымска-каталіцкай царквы ў Беларусі, архібіскуп-мітрапаліт Мінска-Магілёўскі Іосіф Станеўскі.

У 15.30 у трансляцыі з Ватыкана пасланне і благаславенне Папы Францыска "Гораду і свету" пакажа тэлеканал "Беларусь 3".-0-

Падпісвайцеся на нас у
Twitter
Топ-навіны
Свежыя навіны Беларусі