ДЗЯРЖОРГАНЫДЗЯРЖОРГАНЫ
Флаг Аўторак, 15 чэрвеня 2021
Мінск Ясна +22°C
Усе навіны
Усе навіны
Культура
05 мая 2021, 12:30

Белтэлерадыёкампанія 7 мая правядзе эфірную акцыю "Дзень радыё"

Фота з архіва
Фота з архіва

5 мая, Мінск /Кар. БЕЛТА/. У Дзень работнікаў радыё, тэлебачання і сувязі 7 мая слухачоў каналаў Беларускага радыё чакае святочнае падарожжа па вехах эфірнай гісторыі айчыннага радыёвяшчання, сакрэты творчай кухні легендарнага Дома радыё, міжнародная пераклічка радыёаматараў з усяго свету, мноства падарункаў і прыемных сюрпрызаў. Аб гэтым БЕЛТА паведамілі ў прэс-службе Белтэлерадыёкампаніі.

У паклоннікаў Першага нацыянальнага канала з'явіцца ў гэты дзень унікальная магчымасць зрабіць эфірнае падарожжа ў часе і пачуць, як гучала радыё дзесяцігоддзі таму. На працягу ўсяго радыёдня прагучаць фрагменты архіўных запісаў з фондаў Беларускага радыё з галасамі легендарных дыктараў і журналістаў - у спецыяльнай рубрыцы "Галасы Беларускага радыё".

Падпісчыкам акаўнтаў Першага нацыянальнага ў сацыяльных сетках у гэты дзень прыадкрыюць таямніцы "радыёкухні" - што адбываецца за эфірам, калі адключаны мікрафон. Акрамя таго, самыя актыўныя слухачы змогуць атрымаць каштоўны падарунак з лагатыпам Беларускага радыё. 7 мая будуць аб'яўлены адразу тры розыгрышы прызоў у афіцыйных акаўнтах канала ў "Аднакласніках", "Укантакце" і Instagram.

У ранішнім шоу "Тэорыя вялікай раніцы" на радыёстанцыі "Радыус-FM" выйдзе спецыяльны выпуск, прысвечаны радыё. Радыёстанцыя таксама падрыхтавала тэматычныя конкурсы і розыгрышы прызоў. Пераможцы атрымаюць у падарунак партатыўную калонку. У дзённым шоу "Выдатны дзень" патрэбна будзе правільна адказаць на пытанне па гісторыі радыё, а ўвечары ў перадачы "Аўтадрайв" адбудзецца музычная віктарына. Падпісчыкаў сацыяльных сетак "УКантакце" і Instagram таксама чакае святочны розыгрыш прызоў.

У эфіры радыёстанцыі "Сталіца" ў ранішнім шоу "Ранак робім разам" стартуе марафон тэматычных віктарын і конкурсаў. Розыгрышы прадоўжацца ў дзённым эфіры праграмы "Ну і дзянёк!". У гэты дзень не застануцца без падарункаў з лагатыпам "Радыё Сталіца" найбольш актыўныя падпісчыкі сацыяльных сетак радыёстанцыі.

Слухачы канала "Культура" атрымаюць першыя віншаванні ў ранішнім тэматычным інфармацыйна-музычным эфіры "У рытме дня". У святочны дзень будуць арганізаваны сустрэчы з папулярнымі вядучымі канала. У афіцыйных групах "Культуры" ў сацыяльных сетках сярод падпісчыкаў пройдзе розыгрыш прызоў з лагатыпам канала.

Міжнароднае радыё "Беларусь" раскажа замежнай аўдыторыі, чым жыве сучаснае Беларускае радыё, якімі знакавымі падзеямі адзначана гісторыя нацыянальнага радыёвяшчання, сваімі ўспамінамі падзеляцца ветэраны эфіру.

Адной з адметных асаблівасцей тэматычнага радыёдня, несумненна, стане трансляцыя ў эфіры віншаванняў ад слухачоў з розных краін свету ў фармаце міжнароднай радыёпераклічкі.

Акцыя "Дзень радыё" пройдзе і ў эфіры рэгіянальных радыёстанцый Белтэлерадыёкампаніі - "Радыё Брэст", "Горад FM", "Радыё Віцебск", "Радыё Гомель", "Гомель+", "Радыё Гродна" і "Радыё Магілёў".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі