30 мая, Мінск /Кар. БЕЛТА/. Супрацоўнікі пасольства Рэспублікі Беларусь у Рэспубліцы Узбекістан на чале з Надзвычайным і Паўнамоцным Паслом нашай краіны ў Ташкенце Леанідам Марынічам прынялі ўдзел у XIX дабрачынным Фестывалі культурных традыцый і нацыянальных страў сярод дыпламатычных прадстаўніцтваў, акрэдытаваных у Рэспубліцы Узбекістан. Аб гэтым карэспандэнту БЕЛТА расказалі ў беларускай загранустанове ў Ташкенце.
Да беларускіх дыпламатаў таксама далучыліся прадстаўнікі беларускага культурнага цэнтра "Свiтанак" у Ташкенце. Госці фестывалю змаглі азнаёміцца з разнастайнымі стравамі беларускай кухні, прыгатаванымі супрацоўнікамі пасольства, а таксама пачуць жывое выкананне песень, стаўшых візітнай карткай нашай краіны. Пасля заканчэння мерапрыемства ўдзельнікам былі ўручаны дыпломы аргкамітэта фестывалю.
Пры гэтым журы высока ацаніла нацыянальныя стравы, музычную праграму і касцюмы, прадстаўленыя Беларуссю.-0-
