ДЗЯРЖОРГАНЫДЗЯРЖОРГАНЫ
Нядзеля, 31 мая 2020
Мінск Суцэльная воблачнасць +11°C
Усе навіны
Усе навіны
Культура
21 мая 2020, 10:31

Беларускія і польскія акцёры разам прачытаюць "Пана Тадэвуша" анлайн

Сцэна са спектакля "Пан Тадэвуш" Купалаўскага тэатра. Фота з архіва
Сцэна са спектакля "Пан Тадэвуш" Купалаўскага тэатра. Фота з архіва

21 мая, Мінск /Кар.БЕЛТА/. Артысты Нацыянальнага акадэмічнага тэатра імя Янкі Купалы і Драматычнага тэатра імя Аляксандра Венгеркі (Польшча) 21 мая ўпершыню правядуць сумесныя анлайн-чытанні паэмы Адама Міцкевіча "Пан Тадэвуш", паведамілі БЕЛТА ў прэс-службе тэатра.

"Пан Тадэвуш" - сапраўдны беларуска-польскі культурны скарб, буйнейшы твор вядомага паэта і публіцыста Адама Міцкевіча. У 2014 годзе Мікалай Пінігін на сцэне Купалаўскага тэатра паводле матываў паэмы паставіў аднайменны спектакль. У тым жа годзе п'есу паказалі ў Парыжы - горадзе, дзе Адам Міцкевіч і напісаў "Пана Тадэвуша", - расказалі ў тэатры.

З боку Купалаўскага тэатра ў чытаннях прымуць удзел Павел Харланчук-Южакоў, Марта Голубева, Хрысціна Дробыш, а таксама народны артыст Беларусі Аляксандр Падабед. З боку польскіх калег выступяць Хрысціна Кацпровіч-Сакалоўска, Данута Бах, Іаланта Бароўска і Катажына Мікевіч. Рэжысёр мерапрыемства - Алена Ганум.

Да анлайн-чытанняў можна будзе далучыцца бясплатна з любой кропкі свету.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі