2 сакавіка, Мінск /Кар. БЕЛТА/. Беларускія і кітайскія кнігавыдаўцы запланавалі пераклад і публікацыю класічных літаратурных твораў да 2020 года, паведамілі БЕЛТА ў Міністэрстве інфармацыі Беларусі.
У ведамстве 1 сакавіка адбылася рабочая сустрэча з прадстаўніцтвамі выдавецкіх арганізацый Кітайскай Народнай Рэспублікі, якія прымаюць удзел у мерапрыемствах XXV Мінскай міжнароднай кніжнай выстаўкі-кірмашу.
На сустрэчы абмяркоўваліся пытанні рэалізацыі праекта перакладу і публікацый класічных літаратурных твораў Беларусі і Кітая да 2020 года.
Акрамя таго, на Мінскай міжнароднай кніжнай выстаўцы-кірмашы адбылася прэзентацыя кніг праекта "Пялёсткі лотаса і хрызантэмы. Сто паэтаў Кітая ХХ стагоддзя", а таксама падпісанне пагаднення аб супрацоўніцтве паміж РУП "Мастацкая літаратура" і выдавецтвам метадычнай і навуковай літаратуры Пекінскага ўніверсітэта замежных моў.-0-
