ДЗЯРЖОРГАНЫДЗЯРЖОРГАНЫ
Серада, 20 студзеня 2021
Мінск Пераменная воблачнасць -11°C
Усе навіны
Усе навіны
Культура
12 студзеня 2021, 12:45

Беларускі музычны тэатр запрашае аматараў аперэты і мюзікла на сваё 50-годдзе

Фота з сацыяльных сетак
Фота з сацыяльных сетак

12 студзеня, Мінск /Кар. БЕЛТА/. Беларускі дзяржаўны акадэмічны музычны тэатр запрашае ўсіх аматараў аперэты і мюзікла на сваё 50-годдзе 17 студзеня, паведамілі БЕЛТА арганізатары.

17 студзеня 1971 года адбыўся першы спектакль тэатра - гераічная музычная камедыя Юрыя Семянякі "Спявае "Жаваранак". "За мінулыя гады тэатрам пастаўлены сотні разнажанравых спектакляў, на яго падмостках выраслі пакаленні таленавітых салістаў, тысячы гледачоў апладзіравалі майстэрству акцёраў, хору, балета і аркестра тэатра", - адзначылі арганізатары.

У канцэртнай праграме будуць прадстаўлены лепшыя нумары. Прагучаць аперэтачная класіка, сучасны мюзікл. Гледачы ўбачаць сустрэчу гісторыі з сучаснасцю, традыцый з наватарствам. У гэты незабыўны вечар сваё майстэрства падораць усе пакаленні артыстаў - і тыя, хто працаваў у першым спектаклі, і тыя, хто толькі што прыняты ў праслаўленую трупу. "Паўстагоддзя мы радавалі вас аперэтамі, мюзікламі, музычнымі драмамі і камедыямі, каб цяпер паказаць усё самае лепшае з нашага рэпертуару ў выкананні вакалістаў, артыстаў класічнага балета і балета аперэты і мюзікла, ансамбля салістаў тэатра і сімфанічнага аркестра Беларускага дзяржаўнага акадэмічнага музычнага тэатра", - падкрэслілі арганізатары.

Сёння поўная назва тэатра гучыць як установа "Заслужаны калектыў Рэспублікі Беларусь "Дзяржаўны акадэмічны музычны тэатр Рэспублікі Беларусь". Паклоннікі музычнага тэатра са стажам памятаюць, што паўстагоддзя таму яны глядзелі першы спектакль у Дзяржаўным тэатры музычнай камедыі БССР. Усе трансфармацыі назвы, ганаровае званне "заслужаны", статус "акадэмічны" - гэта не проста змена шыльды, гэта вынік карпатлівай працы вялікага творчага калектыву аднадумцаў, якія аддана служылі і прадаўжаюць служыць тэатру і любімым гледачам.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі