ДЗЯРЖОРГАНЫДЗЯРЖОРГАНЫ
Флаг Нядзеля, 19 верасня 2021
Мінск Пераменная воблачнасць +6°C
Усе навіны
Усе навіны
Культура
03 жніўня 2021, 15:01

"Беларуская энцыклапедыя" выпусціла кнігу аб правядзенні ўрокаў чытання

Фота выдавецтва "Беларуская энцыклапедыя імя Петруся Броўкі"
Фота выдавецтва "Беларуская энцыклапедыя імя Петруся Броўкі"

3 жніўня, Мінск /Кар. БЕЛТА/. Кніга "Сустрэча з пісьменнікам, або Як зрабіць урок чытання любімым" выйшла ў выдавецтве "Беларуская энцыклапедыя імя Петруся Броўкі", паведамілі БЕЛТА ў выдавецтве.

"Такой кнігі ў Беларусі яшчэ не было. Яна нарадзілася з унікальнага праекта, які ажыццяўляе на працягу некалькіх гадоў педагог, метадыст, выкладчык ВНУ Ірына Буторына. Разам са студэнтамі - будучымі настаўнікамі пачатковых класаў - яна праводзіць у школах урокі літаратурнага чытання, на якія запрашаюцца беларускія пісьменнікі. На пытанні, якія часцей за ўсё задаюць на такіх сустрэчах дзеці, адказвалі ў сваіх эсэ сучасныя дзіцячыя пісьменнікі Уладзімір Ліпскі, Раіса Баравікова, Уладзімір Ягоўдзік, Алена Васілевіч, Ніна Галіноўская, Наталля Бучынская, Кацярына Хадасевіч-Лісавая, Надзея Ясмінска. Усяго ў праекце прынялі ўдзел 24 творцы. Атрымаліся цудоўныя аўтабіяграфічныя эсэ-падарожжы кожнага ў пару свайго дзяцінства, сталення, сумеснае падарожжа з чытачом па дарогах жыцця", - адзначылі ў выдавецтве.

У "Беларускай энцыклапедыі" падкрэслілі, што гэта добры матэрыял, з дапамогай якога лягчэй знаёміць дзяцей са светам беларускай дзіцячай літаратуры. "Бо акрамя мастацкіх тэкстаў, як паказвала практыка праекта, юным чытачам вельмі цікава знаёмства з асобамі творцаў. Такім чынам, гэта кніга аўтабіяграфічных эсэ, створаных беларускімі дзіцячымі пісьменнікамі па запатрабаванні сваіх адрасатаў - юных чытачоў", - дадалі ў выдавецтве.

У кнізе таксама ёсць хрэстаматыйны складнік - мастацкія тэксты кожнага аўтара. У афармленні выкарыстаны вокладкі асноўных кніг творцаў, а перайшоўшы па QR-кодзе, можна азнаёміцца са спісам кніг для дзяцей кожнага аўтара і паглядзець відэафільмы аб дванаццаці пісьменніках.

"Кніга адрасавана перш за ўсё педагогам і бібліятэкарам, але яна зацікавіць і шырокае кола чытачоў, бо складаецца з унікальнага, эксклюзіўнага і вельмі неабходнага матэрыялу. Яна будзе выдатным памочнікам у арганізацыі і правядзенні як цікавых урокаў літаратурнага чытання, так і заняткаў і сустрэч у бібліятэцы. Выданне мае добра распрацаваныя метадычныя парады, якія вылучае творчы падыход да справы і любоў да дзіцячай кнігі. Аўтары гэтай кнігі спадзяюцца, што выданне стане першым крокам да стварэння шэрага аналагічных кніг, бо беларуская дзіцячая літаратура вельмі багатая на цудоўных пісьменнікаў і выдатныя творы", - упэўнены ў "Беларускай энцыклапедыі".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі