3 чэрвеня, Мінск /Кар. БЕЛТА/. Тэлеканал "Беларусь 3" 5 чэрвеня запіша канцэртную праграму з удзелам уладальнікаў Гран-пры і лаўрэатаў X Рэспубліканскага творчага радыёконкурсу "Маладыя таленты Беларусі". Аб гэтым БЕЛТА паведамілі ў прэс-службе Белтэлерадыёкампаніі.
Пераможцы юбілейнага праекта Першага нацыянальнага канала Беларускага радыё ўжо выступілі з вялікім гала-канцэртам на FM-хвалях, а цяпер новыя маладыя таленты краіны стануць гасцямі эфіру сацыякультурнага тэлеканала.
Лаўрэаты намінацый прадставяць свае конкурсныя творы пад акампанемент сімфанічнага аркестра Белтэлерадыёкампаніі пад кіраўніцтвам Аляксандра Сасноўскага.
Гала-канцэрт лаўрэатаў радыёконкурсу "Маладыя таленты Беларусі" тэлеканал "Беларусь 3" пакажа гэтым летам.-0-