Сцяг Нядзеля, 26 мая 2024
Усе навіны
Усе навіны
Культура
15 мая 2024, 11:23

Аўтограф на памяць. Кнігі з дароўнымі надпісамі прадставіла Гродзенская абласная бібліятэка

Фота з архіва
Фота з архіва
15 мая, Гродна /Кар. БЕЛТА/. Віртуальны музей "Аўтограф на памяць" стварылі ў Гродзенскай абласной бібліятэцы імя Я.Ф.Карскага. Аб гэтым карэспандэнту БЕЛТА паведамілі ва ўстанове культуры.

"Выданне з аўтографам пісьменніка лічыцца асаблівай каштоўнасцю для кожнага кнігалюба, - сказалі ў бібліятэцы. - Вывучаючы фонд, мы адзначылі: як не бывае ў свеце аднолькавых адбіткаў пальцаў, так не бывае і ідэнтычных дароўных надпісаў нават у аднаго аўтара. Нехта піша тэкст з добрымі пажаданнямі, нехта натхняльныя словы, іншыя выказваюць падзякі. Але ўжо той факт, што сам аўтар трымаў сваё выданне ў руках і пакінуў уласнаручны подпіс, робіць экзэмпляр унікальным, такім адзіным".

Калекцыя аўтографаў абласной навуковай бібліятэкі складаецца з кніг беларускіх аўтараў, якія беражліва захоўваюцца ў фондзе. Гэта выданні, перададзеныя ў дар пісьменнікамі і паэтамі, дзеячамі навукі і культуры, краязнаўцамі і чытачамі.

"З вялiкай павагай да працы бiблiятэкараў", - так падпісаў дароўны экзэмпляр кнігі "Слова Купалы крочыць па свеце" старшыня Саюза пісьменнікаў Беларусі, дырэктар-галоўны рэдактар выдавецкага дома "Звязда" Алесь Карлюкевіч. Дабра, здароўя, любві да чытання пажадала юным чытачам дзіцячага філіяла бібліятэкі на першых старонках свайго зборніка "Цацкі для Валюшкі" старшыня абласнога аддзялення Саюза пісьменнікаў Людміла Кебіч. Выданні з аўтографамі перадалі ў дар бібліятэцы архіепіскап Навагрудскі і Слонімскі Гурый, вядомы гродзенскі гісторык, дацэнт ГрДУ імя Я.Купалы Уладзімір Ягорычаў, заслужаны трэнер СССР і БССР Рэнальд Кныш, іншыя вядомыя ў краіне і рэгіёне людзі.

У віртуальным музеі размешчана інфармацыя пра аўтара, фота прынесеных у дар выданняў і самі аўтографы, напісаныя дарыльшчыкамі. Музей на сайце абласной бібліятэкі будзе папаўняцца.-0-
Падпісвайцеся на нас у
Twitter
Топ-навіны
Свежыя навіны Беларусі