Фота з архіва
21 красавіка, Мінск /Кар. БЕЛТА/. Аўтарскі балет галоўнага балетмайстра Вялікага тэатра Беларусі заслужанага артыста Расійскай Федэрацыі Ігара Колба "Ілюзіі кахання" стаў лаўрэатам прэміі BraVo. Аб гэтым паведамілі БЕЛТА ў Вялікім тэатры.
Чарговая, сёмая цырымонія ўручэння міжнароднай прафесійнай музычнай прэміі BraVo прайшла ў Вялікім тэатры Расіі. На гістарычную сцэну выйшлі самыя яркія прадстаўнікі класічнага мастацтва з больш як 10 краін. Удзельнікамі канцэрта сталі вядучыя салісты балета Вялікага тэатра Беларусі Людміла Хітрова і Андрэй Барыеў.
Лаўрэатам прэміі BraVo ў намінацыі "Класічны выканаўца з краіны-партнёра" стаў аўтарскі балет Ігара Колба "Ілюзіі кахання", які галоўны балетмайстар Вялікага тэатра Беларусі паставіў у Мінску ў мінулым сезоне.
"Гэта чароўны раман, дзе ёсць разнастайнасць часу і месца, выразная лінія псіхааналізу, як паветра патрэбная балету гісторыя кахання і шэраг мастацкіх шлейфаў, якія ставяць спектакль у шырокі культурны кантэкст, - адзначылі арганізатары цырымоніі. - Глыбіня сюжэту і эмацыянальная выразнасць балета разам з віртуознай харэаграфіяй на лібрэта заслужанага артыста Расіі Ігара Колба пакідае глыбокі след у сэрцах гледачоў".
Каралеўская опера сталіцы Амана - Маската стала лаўрэатам прэміі ў намінацыі "Канцэртная / тэатральная пляцоўка года".
Генеральны дырэктар Вялікага тэатра Расіі і Марыінскага тэатра Валерый Гергіеў стаў лаўрэатам прэміі BraVo "За ўклад у сусветную культуру".
Балет Барыса Эйфмана "Злачынства і пакаранне" быў прызнаны балетам года, а операй года - "Рыгалета" Дж. Вердзі, пастаноўка Вялікага тэатра Расіі.
У папярэднія гады гэтай прэміі ў розных намінацыях былі ўдастоены салісты беларускай оперы Марта Данусевіч, Дар'я Гаражанка і Андрэй Валенцій.-0-
Чарговая, сёмая цырымонія ўручэння міжнароднай прафесійнай музычнай прэміі BraVo прайшла ў Вялікім тэатры Расіі. На гістарычную сцэну выйшлі самыя яркія прадстаўнікі класічнага мастацтва з больш як 10 краін. Удзельнікамі канцэрта сталі вядучыя салісты балета Вялікага тэатра Беларусі Людміла Хітрова і Андрэй Барыеў.
Лаўрэатам прэміі BraVo ў намінацыі "Класічны выканаўца з краіны-партнёра" стаў аўтарскі балет Ігара Колба "Ілюзіі кахання", які галоўны балетмайстар Вялікага тэатра Беларусі паставіў у Мінску ў мінулым сезоне.
"Гэта чароўны раман, дзе ёсць разнастайнасць часу і месца, выразная лінія псіхааналізу, як паветра патрэбная балету гісторыя кахання і шэраг мастацкіх шлейфаў, якія ставяць спектакль у шырокі культурны кантэкст, - адзначылі арганізатары цырымоніі. - Глыбіня сюжэту і эмацыянальная выразнасць балета разам з віртуознай харэаграфіяй на лібрэта заслужанага артыста Расіі Ігара Колба пакідае глыбокі след у сэрцах гледачоў".
Каралеўская опера сталіцы Амана - Маската стала лаўрэатам прэміі ў намінацыі "Канцэртная / тэатральная пляцоўка года".
Генеральны дырэктар Вялікага тэатра Расіі і Марыінскага тэатра Валерый Гергіеў стаў лаўрэатам прэміі BraVo "За ўклад у сусветную культуру".
Балет Барыса Эйфмана "Злачынства і пакаранне" быў прызнаны балетам года, а операй года - "Рыгалета" Дж. Вердзі, пастаноўка Вялікага тэатра Расіі.
У папярэднія гады гэтай прэміі ў розных намінацыях былі ўдастоены салісты беларускай оперы Марта Данусевіч, Дар'я Гаражанка і Андрэй Валенцій.-0-
Падпісвайцеся на нас у
