16 студзеня, Мінск /Кар. БЕЛТА/. У Нацыянальнай бібліятэцы Беларусі адкрылася выстава "Замест тысячы слоў". Экспазіцыя прымеркавана да 95-гадовага юбілею Наталлі Паплаўскай і 95-годдзя з дня нараджэння Георгія Паплаўскага, перадае карэспандэнт БЕЛТА.
У рэтраспектыўнай экспазіцыі "Замест тысячы слоў" будуць прадстаўлены станковыя работы і цыклы прадстаўнікоў дынастыі выдатных мастакоў.
Народны мастак Беларусі Георгій Паплаўскі - уладальнік дзясяткаў сусветных і дзяржаўных узнагарод, мастак-"шасцідзясятнік", адзін з першых аўтараў "суровага стылю", кніжны графік. Ён аб'ехаў паўсвету і стварыў серыі работ пра свае падарожжы, мастак, які шчыра апяваў родную Беларусь. У сваёй творчасці ён узнімаў значныя праблемы краіны і часу, раскрыў разнастайнасць тэм. Адной з галоўных была тэма Вялікай Айчыннай вайны, серыі работ прысвечаны тэмам космасу, беларускай гісторыі, сучаснасці, чарнобыльскай трагедыі.
Наталля Паплаўская - мастак, графік, ілюстратар, суаўтар, муза Георгія Георгіевіча, узнагароджана дыпломам і медалём Францыска Скарыны. Творчасць Наталлі Паплаўскай прысвечана фальклору, своеасаблівасці культуры і прыроды Беларусі, увасобленых у казачна-паэтычнай інтэрпрэтацыі народнага побыту.
Куратар выставы і дачка мастакоў Кацярына Паплаўская расказала, што зрабіла выставу крыху не так, як звычайна. "Тата займаўся жывапісам усё жыццё, але быў больш графікам. Гэта частка яго творчасці даволі вядомая, а я вырашыла паказаць іншую, таму большасць работ тут жывапісныя. Некаторыя мы знайшлі, калі разбіралі майстэрню, і нават забылі пра іх. Наталля вядома як ілюстратар дзіцячай кнігі, а мне хацелася паказаць яе з пункту гледжання гравюры", - падзялілася мастачка.
Скульптар і член саюза мастакоў Аляксандр Дранец быў знаёмы з Георгіем Паплаўскім асабіста, нават вучыўся ў яго. "Ён мастак з вялікай колькасцю рэгалій і званняў, у тым ліку заслужаны дзеяч Расіі на той момант. Мастакоў з гэтым званнем было ўсяго тры: Заір Азгур, Георгій Паплаўскі і Міхаіл Савіцкі. На той час яны кіравалі практычна ўсім працэсам акадэмічных майстэрань. Гэта быў час рамантыкаў. Творчая плённая дружба, якая існавала паміж мастакамі, адназначна прынесла свой плён", - адзначыў ён.
Сёння работы сям'і Паплаўскіх знаходзяцца ў фондах розных музеяў, а ў калекцыі Нацыянальнага мастацкага музея іх 1,5 тыс. "Мы заўсёды выстаўлялі іх на самых прэстыжных рэспубліканскіх і замежных выставах. Па работах Георгія Георгіевіча мы звяраем узровень нашай школы, графікі і жывапісу. Ён неверагодна душэўны аўтар", - дадала хавальнік фонду графікі і навуковы супрацоўнік НММ Святлана Ржавуцкая.
Старшы выкладчык кафедры малюнка, скульптуры і акварэлі архітэктурнага факультэта БНТУ Вольга Крупянкова расказала, як упершыню пазнаёмілася з творчасцю аўтараў. "Калі вучылася ў мастацкім вучылішчы, цяпер каледж, я для сябе адкрыла альбом з работамі Георгія Георгіевіча. І мяне яны вельмі натхнілі: неверагодная кампазіцыйная выразнасць, дакладнасць, правільнасць вобразаў, лаканічнасць. Яны пакінулі вельмі моцнае ўражанне, я ўбачыла недасягальную вышыню і ўзровень. Вывучала кожную старонку, кожны альбом, аналізавала творы і бясконца захаплялася. Па меры вучобы стала займацца кніжнай ілюстрацыяй. Работы Наталлі Мікалаеўны - узор моцнага эмацыянальнага ўздзеяння, добрага, шчырага. У яе творчасці ёсць максімальная выразнасць, да якой таксама трэба імкнуцца мастаку", - упэўнена яна.
Экспазіцыю можна паглядзець у галерэі "Лабірынт" Нацыянальнай бібліятэкі Беларусі да 8 сакавіка.-0-
У рэтраспектыўнай экспазіцыі "Замест тысячы слоў" будуць прадстаўлены станковыя работы і цыклы прадстаўнікоў дынастыі выдатных мастакоў.
Народны мастак Беларусі Георгій Паплаўскі - уладальнік дзясяткаў сусветных і дзяржаўных узнагарод, мастак-"шасцідзясятнік", адзін з першых аўтараў "суровага стылю", кніжны графік. Ён аб'ехаў паўсвету і стварыў серыі работ пра свае падарожжы, мастак, які шчыра апяваў родную Беларусь. У сваёй творчасці ён узнімаў значныя праблемы краіны і часу, раскрыў разнастайнасць тэм. Адной з галоўных была тэма Вялікай Айчыннай вайны, серыі работ прысвечаны тэмам космасу, беларускай гісторыі, сучаснасці, чарнобыльскай трагедыі.
Наталля Паплаўская - мастак, графік, ілюстратар, суаўтар, муза Георгія Георгіевіча, узнагароджана дыпломам і медалём Францыска Скарыны. Творчасць Наталлі Паплаўскай прысвечана фальклору, своеасаблівасці культуры і прыроды Беларусі, увасобленых у казачна-паэтычнай інтэрпрэтацыі народнага побыту.
Куратар выставы і дачка мастакоў Кацярына Паплаўская расказала, што зрабіла выставу крыху не так, як звычайна. "Тата займаўся жывапісам усё жыццё, але быў больш графікам. Гэта частка яго творчасці даволі вядомая, а я вырашыла паказаць іншую, таму большасць работ тут жывапісныя. Некаторыя мы знайшлі, калі разбіралі майстэрню, і нават забылі пра іх. Наталля вядома як ілюстратар дзіцячай кнігі, а мне хацелася паказаць яе з пункту гледжання гравюры", - падзялілася мастачка.
Скульптар і член саюза мастакоў Аляксандр Дранец быў знаёмы з Георгіем Паплаўскім асабіста, нават вучыўся ў яго. "Ён мастак з вялікай колькасцю рэгалій і званняў, у тым ліку заслужаны дзеяч Расіі на той момант. Мастакоў з гэтым званнем было ўсяго тры: Заір Азгур, Георгій Паплаўскі і Міхаіл Савіцкі. На той час яны кіравалі практычна ўсім працэсам акадэмічных майстэрань. Гэта быў час рамантыкаў. Творчая плённая дружба, якая існавала паміж мастакамі, адназначна прынесла свой плён", - адзначыў ён.
Сёння работы сям'і Паплаўскіх знаходзяцца ў фондах розных музеяў, а ў калекцыі Нацыянальнага мастацкага музея іх 1,5 тыс. "Мы заўсёды выстаўлялі іх на самых прэстыжных рэспубліканскіх і замежных выставах. Па работах Георгія Георгіевіча мы звяраем узровень нашай школы, графікі і жывапісу. Ён неверагодна душэўны аўтар", - дадала хавальнік фонду графікі і навуковы супрацоўнік НММ Святлана Ржавуцкая.
Старшы выкладчык кафедры малюнка, скульптуры і акварэлі архітэктурнага факультэта БНТУ Вольга Крупянкова расказала, як упершыню пазнаёмілася з творчасцю аўтараў. "Калі вучылася ў мастацкім вучылішчы, цяпер каледж, я для сябе адкрыла альбом з работамі Георгія Георгіевіча. І мяне яны вельмі натхнілі: неверагодная кампазіцыйная выразнасць, дакладнасць, правільнасць вобразаў, лаканічнасць. Яны пакінулі вельмі моцнае ўражанне, я ўбачыла недасягальную вышыню і ўзровень. Вывучала кожную старонку, кожны альбом, аналізавала творы і бясконца захаплялася. Па меры вучобы стала займацца кніжнай ілюстрацыяй. Работы Наталлі Мікалаеўны - узор моцнага эмацыянальнага ўздзеяння, добрага, шчырага. У яе творчасці ёсць максімальная выразнасць, да якой таксама трэба імкнуцца мастаку", - упэўнена яна.
Экспазіцыю можна паглядзець у галерэі "Лабірынт" Нацыянальнай бібліятэкі Беларусі да 8 сакавіка.-0-
Падпісвайцеся на нас у
