Фота Вялікага тэатра Беларусі
23 кастрычніка, Мінск /Кар. БЕЛТА/. Вялікі тэатр Беларусі ўпершыню выступіць на сцэне Марыінскага тэатра 24 кастрычніка напярэдадні Дзён Мінска ў Санкт-Пецярбургу. Аб гэтым паведамілі карэспандэнту БЕЛТА ў тэатры.
У Санкт-Пецярбург адправіўся творчы дэсант у складзе 159 чалавек: аркестр, хор, вядучыя оперы і адміністрацыйная група. Калектыў прадставіць нацыянальную оперу "Дзікае паляванне караля Стаха". У 2022 годзе яна была паказана на Гістарычнай сцэне Вялікага тэатра Расіі ў час абменных гастроляў двух Вялікіх тэатраў - Мінска і Масквы - і мела вялікі поспех у маскоўскай публікі.
Прэм'ера спектакля, які ўбачаць жыхары і госці Санкт-Пецярбурга на Новай сцэне Марыінскага тэатра, адбылася ў Вялікім тэатры 11 ліпеня 2021 года. З моманту прэм'еры кожны паказ спектакля праходзіць пры аншлагах. Пастаноўку ажыццявіла галоўны рэжысёр Вялікага тэатра, уладальнік медаля Францыска Скарыны Ганна Маторная.
На яе думку, вельмі адказна прадстаўляць Дні Мінска ў Санкт-Пецярбургу. "Эмоцыі вельмі складана апісаць словамі. Напэўна, гэта трэба адзін раз у жыцці адчуць. Калі размова ідзе аб Марыінскім тэатры, то ў ім зусім іншы глядач, дасведчаны ў опернай рэжысуры і разуменні опернага спектакля", - сказала Ганна Маторная.
"Калі мы рыхтаваліся паехаць у Вялікі тэатр Расіі, то падрыхтоўка займала мінімум два месяцы, але ішлі рэпетыцыі спектакля спецыяльна для гэтага. Тут абсалютна іншая сітуацыя і раптоўна ўзнікшая прапанова. Да таго ж гэта паказ класічнай опернай школы ў яе сучаснай інтэрпрэтацыі", - падкрэсліла рэжысёр.
"Безумоўна, мы зробім усё, што залежыць ад нас. Я вельмі буду спадзявацца, што глядач прыме нас з радасцю, задавальненнем і асаблівай цеплынёй, якую нясе ў сабе гэты спектакль", - рэзюмавала Ганна Маторная.-0-
У Санкт-Пецярбург адправіўся творчы дэсант у складзе 159 чалавек: аркестр, хор, вядучыя оперы і адміністрацыйная група. Калектыў прадставіць нацыянальную оперу "Дзікае паляванне караля Стаха". У 2022 годзе яна была паказана на Гістарычнай сцэне Вялікага тэатра Расіі ў час абменных гастроляў двух Вялікіх тэатраў - Мінска і Масквы - і мела вялікі поспех у маскоўскай публікі.
Прэм'ера спектакля, які ўбачаць жыхары і госці Санкт-Пецярбурга на Новай сцэне Марыінскага тэатра, адбылася ў Вялікім тэатры 11 ліпеня 2021 года. З моманту прэм'еры кожны паказ спектакля праходзіць пры аншлагах. Пастаноўку ажыццявіла галоўны рэжысёр Вялікага тэатра, уладальнік медаля Францыска Скарыны Ганна Маторная.
На яе думку, вельмі адказна прадстаўляць Дні Мінска ў Санкт-Пецярбургу. "Эмоцыі вельмі складана апісаць словамі. Напэўна, гэта трэба адзін раз у жыцці адчуць. Калі размова ідзе аб Марыінскім тэатры, то ў ім зусім іншы глядач, дасведчаны ў опернай рэжысуры і разуменні опернага спектакля", - сказала Ганна Маторная.
"Калі мы рыхтаваліся паехаць у Вялікі тэатр Расіі, то падрыхтоўка займала мінімум два месяцы, але ішлі рэпетыцыі спектакля спецыяльна для гэтага. Тут абсалютна іншая сітуацыя і раптоўна ўзнікшая прапанова. Да таго ж гэта паказ класічнай опернай школы ў яе сучаснай інтэрпрэтацыі", - падкрэсліла рэжысёр.
"Безумоўна, мы зробім усё, што залежыць ад нас. Я вельмі буду спадзявацца, што глядач прыме нас з радасцю, задавальненнем і асаблівай цеплынёй, якую нясе ў сабе гэты спектакль", - рэзюмавала Ганна Маторная.-0-
Падпісвайцеся на нас у
