8 жніўня, Мінск /Кар. БЕЛТА/. Акцыя "Свабодны раяль" пройдзе ў Мінску 11 жніўня з 18.00 да 19.00, паведамілі БЕЛТА ў прэс-службе Мінгарвыканкама.
Мінчане і госці сталіцы змогуць выканаць любімыя музычныя творы для шырокай публікі. У праекце няма абмежаванняў па ўзросце і музычных густах.
Акцыя праводзіцца чацвёрты год і стала часткай культурнага жыцця беларускай сталіцы, традыцыйна карыстаецца вялікай папулярнасцю ў юных мінчан. Пасля яе завяршэння пачнецца пяты канцэрт фестывалю "Класіка каля Ратушы з velcom". На сцэне выступіць музычная капэла "Санорус".
Музыканты выканаюць праграму "Ад барока да сучаснасці". Са сцэны фестывалю прагучаць творы Вівальдзі і Моцарта, рамантычныя мелодыі Фарэ, Рэспігі, Уільямса, іскрамётныя танцавальныя рытмы Пьяцолы і Маркеса.-0-