ДЗЯРЖОРГАНЫДЗЯРЖОРГАНЫ
Флаг Аўторак, 27 ліпеня 2021
Мінск Пераменная воблачнасць +21°C
Усе навіны
Усе навіны
Культура
14 мая 2021, 10:32

Акадэмія мастацтваў вучыць маладых людзей любіць Радзіму і ўсё цудоўнае - Баразна

На выставе
На выставе

14 мая, Мінск /Кар. БЕЛТА/. Беларуская дзяржаўная акадэмія мастацтваў вучыць маладых людзей любіць Радзіму і ўсё прыгожае, сказаў 13 мая журналістам рэктар БДАМ Міхаіл Баразна на адкрыцці выставачнага праекта "Каноны творчасці" да 75-годдзя акадэміі, перадае карэспандэнт БЕЛТА.

75 гадоў таму ў лістападзе першыя студэнты пачалі навучанне ў Беларускім дзяржаўным тэатральным інстытуце. Тады пачалася гісторыя сучаснай Акадэміі мастацтваў. "Восенню мінулага года мы арганізавалі праграму святкавання 75-годдзя акадэміі, якая расцягнулася на ўвесь навучальны год. А гэты праект з'яўляецца завяршальным этапам святкавання. Я ў гэтай выставе бачу адзінства, дух вельмі розных людзей, з рознымі падыходамі, творчымі метадамі, імкненнем да зусім процілеглых часам тэндэнцый у мастацтве. І гэта ўсё - сённяшняя акадэмія. Тут займаюцца справай, якая вучыць маладых людзей любіць Радзіму і мастацтва. І гэты сінтэз непадзельны", - сказаў рэктар БДАМ Міхаіл Баразна.

Сярод выкладчыкаў і выпускнікоў акадэміі - дзеячы мастацтваў, вядомыя як у Беларусі, так і ва ўсім свеце. Многія з іх маюць вышэйшыя дзяржаўныя ўзнагароды рэспублікі і іншых краін, зарэкамендавалі сябе ў прэстыжных сусветных конкурсах і выставачных праектах.

"Сёння ў грамадстве адбываецца пераасэнсаванне таго, што такое інфармацыя. Якая гэта інфармацыя - залежыць ад тонкасці, ад тых пасылаў, якія закладвае культура, мастацтва, тое, што дае акадэмія. За гэтай філасофіяй крыецца наша штодзённае жыццё, уменне фарміраваць сваю будучыню, выхоўваць моладзь", - адзначыў намеснік міністра інфармацыі Ігар Бузоўскі.

Асноўная ідэя юбілейнага праекта - прадставіць творчыя амплуа выкладчыкаў і супрацоўнікаў акадэміі, якія натхняюць на новыя адкрыцці, прывіваюць маладым аўтарам любоў да мастацтва.

"Ужо 75 гадоў жыве Акадэмія мастацтваў, у яе наперадзе вялікая будучыня, але ўжо цяпер можна падводзіць пэўныя вынікі: колькі зроблена, колькі выпускнікоў было, колькі твораў створана ў якасці дыпломаў. І колькі людзей, якія некалі маладымі вучыліся ў акадэміі, а цяпер - адбыліся і сталі вядомымі ва ўсім свеце мастакамі. Я думаю, што гэта лепшы паказчык для БДАМ. Гэта выстава вельмі рознабаковая, што сведчыць аб тым, што наша мастацтва не мае нейкай адзінай плыні. Яно па-сапраўднаму свабоднае", - падкрэсліла першы намеснік старшыні Беларускага саюза мастакоў мастацтвазнавец Наталля Шаранговіч.

Экспазіцыя праекта "Каноны творчасці" прадстаўлена шырокім дыяпазонам традыцыйных і сучасных відаў, жанраў і напрамкаў мастацкага, дэкаратыўна-прыкладнога і фотамастацтва. На выставе будуць творы такіх творцаў, як Уладзімір Тоўсцік, Уладзімір Зінкевіч, Уладзімір Слабодчыкаў, Віктар Барабанцаў, Міхаіл Баразна, Канстанцін Касцючэнка, Валерый Слаўк, Юрый Хілько, Уладзімір Масленікаў, Усевалад Свентахоўскі, Аляксандра Дзятлава, Ганна Конанава, Міхаіл Шыкаў, Іван Конан, Леў Талбузін, Лізавета Пастушэнка, Вольга Мельнік-Малахава, Алеся Скорабагатая, Антон Вырва і інш.

Наведаць экспазіцыю можна да 20 чэрвеня. Арганізатары праекта - Міністэрства культуры, Мінскі гарвыканкам, Музей гісторыі горада Мінска і Беларуская дзяржаўная акадэмія мастацтваў.

БДАМ - прэстыжная ВНУ краіны, вядучая ўстанова нацыянальнай адукацыі ў сферы прафесійнага мастацтва - тэатральнага, дэкаратыўна-прыкладнога, тэлевізійнага, кінематаграфічнага, дызайнерскага. У акадэміі багатыя гісторыя і традыцыі, сфарміраваныя педагагічныя прыёмы. Свой летапіс установа пачатала ў пасляваенны час, калі ў 1945 годзе быў заснаваны Беларускі дзяржаўны тэатральны інстытут. У 1953 годзе ён перайменаваны ў Беларускі дзяржаўны тэатральна-мастацкі інстытут, які ў 1991 годзе рэарганізавалі ў Беларускую акадэмію мастацтваў. Сучасная назва прысвоена ў 2001 годзе.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі