Фота Instagram-акаўнту Акадэмічнага ансамбля песні і танца Узброеных Сіл Рэспублікі Беларусь
9 студзеня, Мінск /Кар. БЕЛТА/. Акадэмічны ансамбль песні і танца Узброеных Сіл Рэспублікі Беларусь 9 студзеня адзначае 85-гадовы юбілей.
У 1939 годзе 9 студзеня ў адпаведнасці з загадам народнага камісара абароны СССР маршала Савецкага Саюза К.Варашылава нумар 4 у Смаленску быў сфарміраваны Ансамбль чырвонаармейскай песні і танца Беларускай асобай ваеннай акругі, правапераемнікам якога з'яўляецца дзяржаўная ўстанова "Акадэмічны ансамбль песні і танца Узброеных Сіл Рэспублікі Беларусь". Стваральнікам і першым мастацкім кіраўніком ансамбля стаў заслужаны артыст БССР Аляксандр Фёдаравіч Усачоў.
У 1940 годзе ансамбль следам за штабам акругі быў пераведзены са Смаленска ў Мінск.
У гады Вялікай Айчыннай вайны калектыў уваходзіў у склад Заходняга фронту. Ён даваў па 3-4 канцэрты ў дзень у шпіталях, зямлянках, на перадавой. За гады вайны 19 выканаўцаў былі ўзнагароджаны ордэнамі, 25 - медалямі "За адвагу" і "За баявыя заслугі", 4 - сталі кавалерамі ордэна Славы. Свой баявы шлях ансамбль закончыў у Кёнігсбергу.
У 1949 годзе калектыў быў перайменаваны ў Ансамбль песні і танца чырванасцяжнай Беларускай ваеннай акругі.
У пасляваенны перыяд калектыў ствараў новыя праграмы, выступаў у гарнізонах перад воінамі і цывільным насельніцтвам Беларусі, у саюзных рэспубліках, за мяжой.
У 1982-1986 гадах канцэртныя брыгады ансамбля неаднаразова выязджалі ў творчыя камандзіроўкі ў Рэспубліку Афганістан, у 1986 годзе выступалі перад ліквідатарамі наступстваў Чарнобыльскай аварыі.
У сакавіку 1992 года калектыў быў перайменаваны ў Ансамбль песні і танца Узброеных Сіл Рэспублікі Беларусь.
За вялікія творчыя поспехі ён чатыры разы ўзнагароджваўся Ганаровай граматай Прэзідыума Вярхоўнага Савета БССР, а ў 1988 годзе Чырвоным сцягам Ваеннага савета чырванасцяжнай Беларускай ваеннай акругі.
У 1998 годзе за значны ўклад у развіццё беларускага мастацтва, высокае прафесійнае і мастацкае майстэрства і ў сувязі з 60-годдзем з дня ўтварэння калектыву было прысвоена ганаровае званне акадэмічнага.
У 2006 годзе ансамбль за выдатную творчую дзейнасць і прапаганду нацыянальнай культуры ўзнагароджаны спецыяльнай прэміяй Прэзідэнта Рэспублікі Беларусь у намінацыі "Музычнае мастацтва".
У 2016 і 2017 гадах на палігоне Алабіна ў Расіі ансамбль прымаў удзел у адкрыцці Армейскіх міжнародных гульняў, арганізацыі і правядзенні Дня нацыянальнай культуры Рэспублікі Беларусь.
У 2018 годзе пастановай Міністэрства культуры Рэспублікі Беларусь ансамблю было прысвоена званне "Заслужаны калектыў Рэспублікі Беларусь".
У пачатку 2019 года ён быў адзначаны спецыяльнай прэміяй Прэзідэнта дзеячам культуры і мастацтва за высокія дасягненні і рэалізацыю патрыятычнага праекта "Айчыне служым".
Ансамбль неаднаразова суправаджаў дзяржаўныя мерапрыемствы з удзелам кіраўніка дзяржавы, у тым ліку ўрачыстае адкрыццё Музея Вялікай Айчыннай вайны, гісторыка-культурнага комплексу "Лінія Сталіна", прымаў удзел у цырымоніі інаўгурацыі Прэзідэнта Рэспублікі Беларусь.
Сёння ў склад ансамбля ўваходзяць хор, аркестр, балет і дзіцячая музычная студыя "Зорачка". Рэпертуар творчага калектыву разнастайны. Галоўны складнік - патрыятычная музыка, песні пра Радзіму, армію, гераізм. Чырвонай лініяй у канцэртах праходзяць песні Вялікай Айчыннай вайны. Акрамя таго, у рэпертуары прадстаўлены народныя песні, салдацкія танцы, танцы народаў свету, класічныя творы рускіх і замежных кампазітараў, эстрадныя песні. Усё гэта заваявала прызнанне ў гледачоў.
Ансамбль штогод рыхтуе шэраг прэм'ер да канцэртаў, прысвечаных Дню абаронцаў Айчыны і Узброеных Сіл Рэспублікі Беларусь, Дню Перамогі, Дню Незалежнасці Рэспублікі Беларусь, якія праходзяць на вядучых канцэртных пляцоўках нашай краіны.
Вялікая ўвага ўдзяляецца духоўнай музыцы. Хор ансамбля неаднаразова выступаў з адпаведнай праграмай у храме ў гонар Раства Прасвятой Багародзіцы ў пасёлку Тарасава Мінскага раёна, канцэртнай зале "Верхні горад". Калектыў праводзіць шэфскую сацыякультурную работу ва Узброеных Сілах, выступае перад ветэранамі Вялікай Айчыннай вайны і Узброеных Сіл.
За сваю шматгадовую гісторыю ансамбль заваяваў шчырую любоў гледачоў і атрымаў шырокае прызнанне дзякуючы сваёй унікальнасці і майстэрству, у аснове якіх захаванне традыцый, што фарміраваліся дзесяцігоддзямі.-0-
У 1939 годзе 9 студзеня ў адпаведнасці з загадам народнага камісара абароны СССР маршала Савецкага Саюза К.Варашылава нумар 4 у Смаленску быў сфарміраваны Ансамбль чырвонаармейскай песні і танца Беларускай асобай ваеннай акругі, правапераемнікам якога з'яўляецца дзяржаўная ўстанова "Акадэмічны ансамбль песні і танца Узброеных Сіл Рэспублікі Беларусь". Стваральнікам і першым мастацкім кіраўніком ансамбля стаў заслужаны артыст БССР Аляксандр Фёдаравіч Усачоў.
У 1940 годзе ансамбль следам за штабам акругі быў пераведзены са Смаленска ў Мінск.
У гады Вялікай Айчыннай вайны калектыў уваходзіў у склад Заходняга фронту. Ён даваў па 3-4 канцэрты ў дзень у шпіталях, зямлянках, на перадавой. За гады вайны 19 выканаўцаў былі ўзнагароджаны ордэнамі, 25 - медалямі "За адвагу" і "За баявыя заслугі", 4 - сталі кавалерамі ордэна Славы. Свой баявы шлях ансамбль закончыў у Кёнігсбергу.
У 1949 годзе калектыў быў перайменаваны ў Ансамбль песні і танца чырванасцяжнай Беларускай ваеннай акругі.
У пасляваенны перыяд калектыў ствараў новыя праграмы, выступаў у гарнізонах перад воінамі і цывільным насельніцтвам Беларусі, у саюзных рэспубліках, за мяжой.
У 1982-1986 гадах канцэртныя брыгады ансамбля неаднаразова выязджалі ў творчыя камандзіроўкі ў Рэспубліку Афганістан, у 1986 годзе выступалі перад ліквідатарамі наступстваў Чарнобыльскай аварыі.
У сакавіку 1992 года калектыў быў перайменаваны ў Ансамбль песні і танца Узброеных Сіл Рэспублікі Беларусь.
За вялікія творчыя поспехі ён чатыры разы ўзнагароджваўся Ганаровай граматай Прэзідыума Вярхоўнага Савета БССР, а ў 1988 годзе Чырвоным сцягам Ваеннага савета чырванасцяжнай Беларускай ваеннай акругі.
У 1998 годзе за значны ўклад у развіццё беларускага мастацтва, высокае прафесійнае і мастацкае майстэрства і ў сувязі з 60-годдзем з дня ўтварэння калектыву было прысвоена ганаровае званне акадэмічнага.
У 2006 годзе ансамбль за выдатную творчую дзейнасць і прапаганду нацыянальнай культуры ўзнагароджаны спецыяльнай прэміяй Прэзідэнта Рэспублікі Беларусь у намінацыі "Музычнае мастацтва".
У 2016 і 2017 гадах на палігоне Алабіна ў Расіі ансамбль прымаў удзел у адкрыцці Армейскіх міжнародных гульняў, арганізацыі і правядзенні Дня нацыянальнай культуры Рэспублікі Беларусь.
У 2018 годзе пастановай Міністэрства культуры Рэспублікі Беларусь ансамблю было прысвоена званне "Заслужаны калектыў Рэспублікі Беларусь".
У пачатку 2019 года ён быў адзначаны спецыяльнай прэміяй Прэзідэнта дзеячам культуры і мастацтва за высокія дасягненні і рэалізацыю патрыятычнага праекта "Айчыне служым".
Ансамбль неаднаразова суправаджаў дзяржаўныя мерапрыемствы з удзелам кіраўніка дзяржавы, у тым ліку ўрачыстае адкрыццё Музея Вялікай Айчыннай вайны, гісторыка-культурнага комплексу "Лінія Сталіна", прымаў удзел у цырымоніі інаўгурацыі Прэзідэнта Рэспублікі Беларусь.
Сёння ў склад ансамбля ўваходзяць хор, аркестр, балет і дзіцячая музычная студыя "Зорачка". Рэпертуар творчага калектыву разнастайны. Галоўны складнік - патрыятычная музыка, песні пра Радзіму, армію, гераізм. Чырвонай лініяй у канцэртах праходзяць песні Вялікай Айчыннай вайны. Акрамя таго, у рэпертуары прадстаўлены народныя песні, салдацкія танцы, танцы народаў свету, класічныя творы рускіх і замежных кампазітараў, эстрадныя песні. Усё гэта заваявала прызнанне ў гледачоў.
Ансамбль штогод рыхтуе шэраг прэм'ер да канцэртаў, прысвечаных Дню абаронцаў Айчыны і Узброеных Сіл Рэспублікі Беларусь, Дню Перамогі, Дню Незалежнасці Рэспублікі Беларусь, якія праходзяць на вядучых канцэртных пляцоўках нашай краіны.
Вялікая ўвага ўдзяляецца духоўнай музыцы. Хор ансамбля неаднаразова выступаў з адпаведнай праграмай у храме ў гонар Раства Прасвятой Багародзіцы ў пасёлку Тарасава Мінскага раёна, канцэртнай зале "Верхні горад". Калектыў праводзіць шэфскую сацыякультурную работу ва Узброеных Сілах, выступае перад ветэранамі Вялікай Айчыннай вайны і Узброеных Сіл.
За сваю шматгадовую гісторыю ансамбль заваяваў шчырую любоў гледачоў і атрымаў шырокае прызнанне дзякуючы сваёй унікальнасці і майстэрству, у аснове якіх захаванне традыцый, што фарміраваліся дзесяцігоддзямі.-0-
