ДЗЯРЖОРГАНЫДЗЯРЖОРГАНЫ
Серада, 20 студзеня 2021
Мінск Пераменная воблачнасць -11°C
Усе навіны
Усе навіны
Культура
11 студзеня 2021, 20:00

Адборы на конкурсы "Славянскага базару" пройдуць у Мінску 22 і 25 студзеня

Фота з архіва
Фота з архіва

11 студзеня, Мінск /Кар. БЕЛТА/. Другі этап нацыянальнага адбору на XXX Міжнародны фестываль мастацтваў "Славянскі базар у Віцебску" адбудзецца 22 і 25 студзеня ў Мінску, паведамілі БЕЛТА арганізатары.

Конкурсныя праслухоўванні да XXX Міжнароднага конкурсу выканаўцаў эстраднай песні "Віцебск-2021" і ХIX Міжнароднага дзіцячага музычнага конкурсу "Віцебск-2021" пройдуць у Маладзёжным тэатры эстрады. Другі этап адборачных тураў будзе ў рэжыме жывога гуку ў суправаджэнні фанаграмы з музыкай і пры неабходнасці бэк-вакалу, што не дубліруе саліруючы голас.

Адбор удзельнікаў да дзіцячага музычнага конкурсу запланаваны на 22 студзеня, да конкурсу выканаўцаў эстраднай песні - на 25 студзеня. Рэгістрацыя і жараб'ёўка адбудуцца з 10.00 да 11.30, праслухоўванне - з 12.00 да 16.00.

Па выніках другога этапу рашэннем экспертнай групы, склад якой зацвярджаецца Міністэрствам культуры, для фіналу нацыянальнага адбору выбіраюць 10 удзельнікаў да конкурсу выканаўцаў эстраднай песні і 10 - да дзіцячага музычнага конкурсу.

Фінал нацыянальнага адбору да міжнародных конкурсаў пройдзе не пазней за 20 сакавіка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі