Мабільная версія
ДЗЯРЖОРГАНЫ

Апошнія навіны
Усе навіны

Абноўлены тэатр лялек у Брэсце стане шматфункцыянальным культурным цэнтрам

Культура 05.06.2019 | 16:46

5 чэрвеня, Брэст /Кар. БЕЛТА/. Рэканструкцыя Брэсцкага тэатра лялек выйшла на завяршальную стадыю. Установа культуры рыхтуецца да адкрыцця, паведаміла карэспандэнту БЕЛТА дырэктар тэатра Тамара Паўлюковіч.

Паводле яе слоў, тэатр лялек стане шматфункцыянальным культурным цэнтрам. "Разглядаем яго як прастору для сустрэч, рэалізацыі цікавых праектаў для людзей рознага ўзросту. У нас больш за 10 тыс. кв.м. У працэсе будаўніцтва ўнеслі змяненні па прызначэнні памяшканняў. Напрыклад, у нас з'явіліся студыя выяўленчага мастацтва, харэаграфічны, камп'ютарны класы. У планах абсталяваць гульнявы пакой. Будзе магчымасць правесці выхадны дзень усёй сям'ёй", - адзначыла дырэктар.

"Гэта эксклюзіўны праект тэатра лялек, аналагаў якога няма ў Беларусі. У нас шматфункцыянальная пляцоўка, сцэнічны комплекс, якія дае вялікія магчымасці для рэалізацыі творчых задум. Думаю, да афіцыйнага святкавання тысячагоддзя Брэста тэатр зможа адчыніць дзверы для наведвальнікаў. Плануем зрабіць з гэтага свята", - сказала Тамара Паўлюковіч.

У новым будынку тэатра будзе вялікая і малая глядзельныя залы, у якіх установяць крэслы-трансформеры. Гэта дасць магчымасць людзям рознага росту сядзець на адным узроўні. Трупа тэатра будзе здзіўляць публіку, выкарыстоўваючы шматфункцыянальнасць сцэны. Яе асаблівасці - люкі-правалы з ліфтамі для змены карціны, накладная сцэна дыяметрам 6 м, якая круціцца. На кожным з трох паверхаў будынка размяшчаюцца па чатыры камфартабельныя грымёрныя пакоі, тры з іх прадугледжаны для прыезджых рэжысёраў і акцёраў. Абсталююць рэпетыцыйную залу, тэатральную студыю, некалькі кафэ, у перспектыве - музей.

Работы на аб'екце пачаліся ў чэрвені 2010 года. Заказчыкам будаўніцтва выступае КУП "БрэстаблУКБ", генеральным падрадчыкам - ААТ "Будаўнічы трэст нумар 8". Спецыялісты завяршаюць аддзелачныя работы, паралельна вядзецца мантаж механікі сцэны, светлавога і гукавога абсталявання, закупка мэблі.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Нарыхтоўка ягад, грыбоў і плодаагародніннай прадукцыі ў насельніцтва За 9 месяцаў 2019 года арганізацыямі спажывецкай кааперацыі закуплена сельгаспрадукцыі і сыравіны на суму Br258 млн (у тым ліку насельніцтву выплачана за здадзеную прадукцыю і сыравіну Br157 млн).