ДЗЯРЖОРГАНЫДЗЯРЖОРГАНЫ
Флаг Панядзелак, 6 лютага 2023
Мінск Суцэльная воблачнасць -2°C
Усе навіны
Усе навіны
Культура
24 кастрычніка 2022, 19:59

Абласны фестываль "Берасцейскія сані" правядуць у Баранавічах 13-15 студзеня

Фота з архіва
Фота з архіва

24 кастрычніка, Брэст /Кар. БЕЛТА/. Баранавічы 13-15 студзеня прымуць абласны фестываль-кірмаш "Берасцейскія сані - 2023", паведаміў карэспандэнту БЕЛТА старшыня Баранавіцкага гарвыканкама Міхаіл Бацэнка.

"Шукаем асаблівасці, каб наш фестываль адрозніваўся ад брэсцкага, - сказаў Міхаіл Бацэнка. - Асноўны дзень - 14 студзеня. Акцэнт зробім на цэнтры горада: бульвары Штокерау, плошчы і вуліцы Леніна, парку. Задзейнічаем пляцоўкі каля абодвух кінатэатраў. Падрыхтоўка да фестывалю ўваходзіць у актыўную стадыю. Усіх задумак расказваць не буду, трэба пакінуць сюрпрызы для свята".

Усяго ў час фестывалю плануюць абсталяваць сем пляцовак. У горадзе з'явяцца новыя арт-інсталяцыі. Адным з відовішчных момантаў абяцае стаць зімовы парад. Дарэчы, на баранавіцкіх прадпрыемствах ужо задумаліся над крэатыўным афармленнем платформ. На кірмашы сваю прадукцыю прапануюць набыць і прадэгуставаць вытворцы з усёй Брэсцкай вобласці. На працягу трох дзён гасцей фестывалю будуць забаўляць артысты з розных куткоў рэгіёна.

Таксама ў Баранавічах ужо выбралі лагатып "Берасцейскіх саней" версіі 2023 года. Пераможцам конкурсу стала мясцовая жыхарка Алена Матылевіч: аўтар аб'яднала матывы герба Баранавіч з зімовай тэматыкай фестывалю.

Фестываль-кірмаш "Берасцейскія сані" ўпершыню правялі ў Брэсце ў студзені бягучага года. Мерапрыемства вырашана было зрабіць традыцыйным і праводзіць па чарзе ў розных кутках вобласці.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі