18 ліпеня, Кіеў /БЕЛТА - УКРІНФАРМ/. Уладзімір Зяленскі даручыў МЗС распрацаваць механізм атрымання другога грамадзянства этнічным украінцам з дыяспары, паведамілі ў офісе прэзідэнта Украіны.
"Прэзідэнт Украіны даручае МЗС распрацаваць механізм прадастаўлення ўкраінскага грамадзянства як другога для этнічных украінцаў з дружалюбных нам краін, якія імкнуцца далучыцца да развіцця сваёй гістарычнай радзімы, - гаворыцца ў паведамленні. - Таксама Уладзімір Зяленскі даручае распрацаваць механізм спрошчанага прадастаўлення ўкраінскага грамадзянства людзям, якія церпяць ад парушэння правоў і свабод у сваіх краінах".
Згодна з украінскім заканадаўствам другое грамадзянства цяпер забаронена.-0-