17 красавіка, Мінск /Кар. БЕЛТА/. ФСБ Расіі затрымала ўраджэнца Цэнтральнай Азіі Аброра Азімава, якога лічаць адным з мяркуемых арганізатараў тэракта ў метро Санкт-Пецярбурга. Аб гэтым паведамляе ТАСС са спасылкай на Цэнтр грамадскіх сувязей (ЦГС) ФСБ Расіі.
Адзначаецца, што Аброр Азімаў (1990 года нараджэння) быў затрыманы ў Адзінцоўскім раёне Маскоўскай вобласці. Мяркуецца, што ён ажыццявіў падрыхтоўку тэрарыста-смяротніка Акбаржона Джалілава.
На перагоне паміж станцыямі "Тэхналагічны інстытут" і "Сянная плошча" пецярбургскага метро 3 красавіка прагрымеў узрыў. Ён забраў жыцці 14 пасажыраў, таксама загінуў тэрарыст, які прывёў у дзеянне выбуховае ўстройства. Пацярпелымі былі прызнаны 102 чалавекі. Следчы камітэт РФ назваў імя мужчыны, які арганізаваў узрыў, - ім аказаўся ўраджэнец Кыргызстана Акбаржон Джалілаў.-0-
