25 кастрычніка, Мінск /Кар. БЕЛТА/. Выбух у будынку ў пасёлку Сіньмінь правінцыі Шэньсі (Паўночна-Заходні Кітай) забраў жыцці 14 чалавек, паведамляюць інфармагенцтвы.
Згодна з інфармацыяй, у выніку выбуху 14 чалавек загінулі, яшчэ 147 атрымалі раненні, з іх 11 - цяжкія. 58 дамоў побач з будынкам, дзе прагрымеў выбух, атрымалі сур'ёзныя пашкоджанні і часткова абрушыліся.
Паводле адной з версій, прычынай выбуху магла стаць дэтанацыя выбуховых рэчываў, якія незаконна захоўваліся ў падвале. Паліцыя затрымала ўладальніка будынка, асобы, якія арэндавалі памяшканне, аб'яўлены ў вышук.
Пошукава-выратавальная аперацыя прадаўжаецца.-0-
