20 красавіка, Мінск /Кар. БЕЛТА/. Ваенна-паветраныя сілы ЗША і кампанія Lockheed Martin заключылі кантракт на распрацоўку гіпергукавой крылатай ракеты коштам $928 млн, піша Defense News.
Адзначаецца, што кантракт прадугледжвае праектаванне, распрацоўку, стварэнне, сістэмную інтэграцыю, правядзенне выпрабаванняў, а таксама лагістычнае планаванне і падтрымку ўсіх элементаў гіпергукавай і звычайнай зброі далёкага дзеяння, а таксама зброі паветранага базіравання. Колькасць ракет і іх тэрмін паставак у кантракце не ўказваюцца.
Як заявіў афіцыйны прадстаўнік ВПС ЗША Эн Стэфанек, гэта пагадненне з'яўляецца часткай больш маштабных мер Мінабароны ЗША па стварэнні арсенала гіперзброі. Намеснік міністра абароны ЗША Майкл Грыфін указаў, што Пентагону пара сканцэнтравацца на асваенні найноўшага ўзбраення.
18 красавіка амерыканскі генерал Джон Хайтэн заявіў, што ў распараджэнні Расіі і Кітая ёсць гіпергукавая зброя, якая праходзіць ужо выпрабаванні.
Раней кадры выпрабаванняў распрацаванага ў Расіі гіпергукавага ракетнага комплексу "Кінжал" прадэманстраваў прэзідэнт РФ Уладзімір Пуцін.-0-
