14 жніўня, Мінск /Кар. БЕЛТА/. Вялікая аварыя з удзелам двух аўтобусаў і пяці аўтамабіляў адбылася ў Рыа-дэ-Жанэйра, пацярпеў 51 чалавек, паведамляе бразільскі тэлеканал Globo.
ДТЗ здарылася ў аўтамабільным тунэлі ў цэнтры горада. Вадзіцель аднаго з аўтобусаў не змог затармазіць і ўрэзаўся ў аўтобус, які ехаў перад ім. Пасля таго адбылася ланцуговая рэакцыя, у выніку якой былі разбіты яшчэ пяць легкавых аўтамабіляў.
Паводле даных паліцыі, усе пацярпелыя дастаўлены ў бліжэйшыя бальніцы, большасць з іх атрымалі лёгкія раненні. Прычыны аварыі ўстанаўліваюцца.-0-