14 лістапада, Мінск /Кар. БЕЛТА/. Еўракамісія (ЕК) пацвердзіла атрыманне пісьма брытанскага ўрада з адмовай вызначаць кандыдата на пасаду брытанскага еўракамісара ў ЕК да парламенцкіх выбараў 12 снежня. Аб гэтым паведаміла на брыфінгу старшыня Еўракамісіі, паведамляе ТАСС.
Вялікабрытанія атрымала новую адтэрміноўку ў працэсе выхаду з ЕС (Brexit) з 31 кастрычніка да 31 студзеня 2020 года. Застаючыся паўнапраўным членам Еўрасаюза, яна абавязана назначыць свайго прадстаўніка на пасаду аднаго з членаў новага складу Еўракамісіі пад кіраўніцтвам Урсулы фон дэр Ляен, якая павінна была пачаць работу з 1 лістапада.
Разам з тым пачатак работы ЕК быў адтэрмінаваны ў тым ліку з-за таго, што Еўрапарламент адхіліў кандыдатаў у еўракамісары ад Францыі, Венгрыі і Румыніі. Новая Еўракамісія можа пачаць выкананне сваіх абавязкаў толькі пасля таго, як завершыцца працэс зацвярджэння ўсяго яе складу.-0-
