19 верасня, Мінск /Кар. БЕЛТА/. Ураган "Марыя" дасягнуў максімальнай пятай катэгорыі і абрушыўся на астраўную дзяржаву Дамініка, паведамляюць інфармагенцтвы.
Скорасць ветру ўжо дасягнула 260 км/гадз. Прагназуецца, што ўзровень вады ўзнімецца на 2-3 м вышэй за звычайныя прыліўныя значэнні.
Паступае інфармацыя аб першых разбурэннях. У прыватнасці, прэм'ер-міністр Дамінікі Рузвельт Скерыт напісаў у сваім Facebook, што ўраган сарваў дах з яго рэзідэнцыі, а сам будынак падтапіла. Відавочцы таксама паведамілі, што ўраган пашкодзіў будынак галоўнай бальніцы вострава.
Раней у сувязі з набліжэннем урагану была аб'яўлена трывога на Брытанскіх і Амерыканскіх Віргінскіх астравах, востраве Сент-Люсія, Марцініцы, на Гвадэлупе і Антыгуа і Барбуда.-0-