9 лютага, Мінск /Кар. БЕЛТА/. Федэральны ўрад ЗША другі раз з пачатку года вымушаны прыпыніць работу, перадаюць інфармацыйныя агенцтвы.
Часова спыніць работу амерыканскі ўрад вымушаны з-за незацверджанага бюджэту. У кангрэсе ЗША не змаглі зацвердзіць законапраект, які прадугледжвае выдзяленне сродкаў на работу дзяржаўных структур.
Гэта ўжо другі раз з пачатку года, калі работа ўрадавых устаноў у ЗША прыпыняецца з-за адсутнасці фінансавання. Раней гэта адбылося ў студзені. Затым быў прыняты бюджэт, тэрмін дзеяння якога скончыўся 8 лютага.
Апошні раз такое адбывалася ў 2013 годзе, калі федэральны ўрад не працаваў больш за два тыдні.-0-