28 сакавіка, Мінск /Кар. БЕЛТА/. У Вялікабрытаніі паступілі ў абарачэнне новыя манеты наміналам 1 фунт стэрлінгаў. Як паведамляюць інфармагенцтвы, 12-гранная манета адчаканена з асаблівымі мерамі абароны ад падробак і паступова заменіць сваю папярэдніцу.
Новая манета больш лёгкая і тонкая, чым старая, яна важыць 8,75 г. Яе дыяметр складае 23,43 мм, што крыху больш за стары фунт. Знешняе кальцо манеты залацістага колеру і выканана з медна-нікелевага сплаву. Унутранае кальцо - серабрыстае, складаецца з нікеліраванага сплаву. Манетны двор Вялікабрытаніі плануе адчаканіць 1,5 млрд новых манет.
Адзначаецца, што старая манета будзе знаходзіцца ў абарачэнні да 15 кастрычніка 2017 года, пасля чаго магазіны не будуць прымаць яе ў якасці аплаты. Пасля 15 кастрычніка манету можна будзе абмяняць на новую толькі ў банку. Манеты ўжо дастаўлены ў 33 банкі і ў паштовыя аддзяленні па ўсім Каралеўстве.
Англійскія эксперты сцвярджаюць, што новыя манеты складана падрабіць з-за асаблівасці іх канструкцыі: унутры кожнай знаходзіцца асаблівы матэрыял, які сканіруецца рознымі ўстройствамі. Акрамя таго, на манеце ёсць карцінкі, якія нагадваюць галаграмы, а таксама маленькія літары на рэбрах манеты. Манетны двор ужо назваў гэту манету самай абароненай у свеце.-0-
