16 студзеня, Мінск /Кар. БЕЛТА/. У Тайландзе аб'явілі штармавое папярэджанне аб верагоднасці новай паводкі на поўдні краіны, паведамляюць інфармагенцтвы.
Тайландскія сіноптыкі прагназуюць моцныя дажджы на панядзелак-сераду на бягучым тыдні. Ліўні чакаюцца на поўдні краіны, у тым ліку ў турыстычных раёнах правінцый Пхукет і Крабі. У сувязі з гэтым улады Тайланда папярэджваюць аб верагоднасці чарговай паводкі.
Анамальныя для гэтай пары года дажджы пачаліся на поўдні Тайланда адразу пасля Новага года. Ужо 12 правінцый пацярпелі ад паводкі, загінуў 41 чалавек і яшчэ двое прапалі без вестак. Паводка нанесла краіне матэрыяльны ўрон на суму не менш як $600 млн.-0-
