25 жніўня, Мінск /Кар. БЕЛТА/. Колькасць новага аб'яднання тэрарыстычных груповак у Сірыі "Хеят Тахрыр аш-Шам" перасягнула 25 тыс. баевікоў. Аб гэтым, як інфармуе ТАСС, заявіў начальнік галоўнага ўпраўлення Генеральнага штаба Узброеных Сіл Расіі генерал-палкоўнік Ігар Корабаў.
"Цяпер аб'ядналіся больш за 70 бандгруп, у тым ліку са складу апазіцыі, якая раней адносіла сябе да ўмеранай. Агульная колькасць групоўкі "Хеят Тахрыр аш-Шам" перавышае 25 тыс. баевікоў", - сказаў ён на круглым стале ў ходзе форуму "Армія-2017".
Паводле яго слоў, лідары тэрарыстаў, імкнучыся аб'яднаць усе дзеючыя ў Сірыі ісламісцкія ўзброеныя фарміраванні, спрабуюць стварыць новую структуру, ключавую ролю ў якой адыгрывае "Джэбхат ан-Нусра". "Гэта групоўка вядзе актыўныя баявыя дзеянні супраць урадавых войскаў, а таксама супраць умеранай апазіцыі ў правінцыях Алепа, Дамаск, Ідліб і Хама", - адзначыў Ігар Корабаў.-0-